மட்டக்களப்பு கோறளைப்பற்று தெற்கு கிரான் பிரதேச செயலாளர் பிரிவுக்குட்பட்ட முருக்கன்தீவு, பிரம்படித்தீவு மற்றும் சாராவெளி போன்ற பிரதேசங்கள், வெள்ளத்தில் மூழ்கியுள்ளதால், அம் மக்கள் அப்பிரதேசங்களில் இருந்து பிரதேச செயலகத்தினால் பாதுகாப்பாக வெளியேற்றப்பட்டுள்ளனர்
வெளியேற்றப்பட்ட மக்கள், கிண்ணையடி சரஸ்வதி வித்தியாலய ஆரம்ப பிரிவு பாடசாலையில் தங்க வைக்கப்பட்டுள்ளனர்.
அவர்களுக்கான சமைத்த உணவுகளை வழங்குவதற்கு கோறளைப்பற்று வாழைச்சேனை பிரதேச செயலகத்தினால் ஏற்பாடுகள் செய்யப்பட்டுள்ளதுடன், இம் மக்களுக்கான சுகாதார வசதிகளும் பிரதேச செயலாளரினால் ஏற்படுத்தி கொடுக்கப்பட்டுள்ளது.
மழை படிப்படியாக குறைந்து வரும் நிலையில் வெள்ளத்தில் குடியிருப்புகள் மூழ்கியுள்ளன.
