ரோஹிங்கியா அகதிகள் குழுவை இலங்கையில் தொடர்ந்து தடுத்து வைத்திருப்பது குறித்து கவலை வெளியிட்டுள்ள இலங்கைக்கான ஐ.நா.வதிவிடப் பிரதிநிதி

இலங்கைக்கான ஐக்கிய நாடுகள் சபையின் வதிவிடப் பிரதிநிதி மார்க்-ஆண்ட்ரே ஃபிரான்ச், மியான்மரைச் சேர்ந்த ரோஹிங்கியா அகதிகள் குழுவை இலங்கையில் தொடர்ந்து தடுத்து வைத்திருப்பது குறித்து கவலை தெரிவித்துள்ளார்.

கடந்த வருடம் டிசம்பர் மாதம், 116 ரோஹிங்கியா அகதிகள் குழு கடல் வழியாக இலங்கைக்கு வந்து, அவர்கள் முல்லைத்தீவில் தடுத்து வைக்கப்பட்டிருப்பதாக, மார்க்-ஆண்ட்ரே ஃபிரான்ச் அறிக்கை ஒன்றை வெளியிட்டு தெரிவித்துள்ளார்.

அவர்களை மீட்டு, மனிதாபிமான உதவிகளை வழங்கியதற்காக இலங்கை அரசாங்கத்தையும், இலங்கை கடற்படையையும் பாராட்டிய அவர், அவர்களை தடுப்புக்காவலில் இருந்து விடுவிக்க வேண்டும் என தெரிவித்துள்ள அவர், நீண்டகால தடுப்புக்காவல் அவர்களின் உரிமைகளை மீறுவதாகவும், அவர்களது நிரந்தர தீர்வுகளுக்குத் தடையாக இருப்பதை இலங்கை அரசிற்கு நினைவுபடுத்துவதாகவும், அவர் தெரிவித்துள்ளார்.

மியான்மர் ரக்கைன் மாநிலத்திலிருந்து இடம்பெயர்ந்த அகதிகளை, 8 ஆண்டுகளாக ஐக்கிய நாடுகள் சபை பொறுப்பேற்றுள்ள நிலையில், மியான்மருக்கு உள்ளேயும் வெளியேயும் உள்ள ரோஹிங்கியா மக்கள் ஏற்கனவே மோசமான சூழ்நிலைகளில் இருந்து மேலும் மோசமடைகின்றனர், என்று இலங்கைக்கான ஐ.நா. வதிவிடப் பிரதிநிதி மார்க்-ஆண்ட்ரே ஃபிராஞ்ச் சுட்டிக்காட்டினார்.