13 வயது பாடசாலை மாணவியை பாலியல் வன்கொடுமை செய்து கர்ப்பமாக்கிய கட்டிடத் தொழிலாளியை ஹாலி-எல பொலிசார் இன்று புதன்கிழமை காலை கைது செய்தனர்.
51 வயது சந்தேக நபரும் சிறுமியும் ஹாலி-எல அருகே உள்ள உடடோம்பேயில் உள்ள அலவத்தென்ன பகுதியைச் சேர்ந்தவர்கள் என்றும் பாதிக்கப்பட்ட சிறுமி, குறித்த பகுதியில் உள்ள ஒரு பாடசாலையில் எட்டாம் வகுப்பு படிக்கும் மாணவி என்றும் அவரது பெற்றோர் மற்றும் இரண்டு சகோதரர்களுடன் வசித்து வருகிறார் எனவும் தெரியவருகின்றது.
பொலிசார் மேற்கொண்ட விசாரணையில், பக்கத்து வீட்டில் வசிக்கும் குறித்த சந்தேக நபர், சிறுமி தனியாக இருந்த போது தனது வீட்டிற்கு அருகிலுள்ள ஒரு குடிசைக்கு அழைத்துச் சென்று, பாலியல் வன்கொடுமை செய்து, சம்பவத்தை யாரிடமாவது தெரிவித்தால் கொலை செய்து விடுவதாக மிரட்டியுள்ளார் என்பதும் தெரியவந்துள்ளது
இருப்பினும், காலையில் அவளுக்கு வாந்தி ஏற்பட்டதால், அவளுடைய தாய் அவளை மருத்துவரிடம் அழைத்துச் சென்று சிகிச்சை அளித்தார், ஆனால் எந்த முன்னேற்றமும் இல்லை. பின்னர், சிறுமியை டெமோதரா மருத்துவமனைக்கு அழைத்துச் சென்றபோது, மருத்துவர்கள் பரிசோதித்ததில் சுமார் இரண்டு மாத கர்ப்பிணியாக இருப்பதைக் கண்டறிந்தனர்.
மருத்துவ பரிசோதனை மற்றும் மேலதிக சிகிச்சைக்காக மருத்துவமனையில் அனுமதிக்கப்பட்டதாக பொலிசார் தெரிவித்தனர். சந்தேக நபர் விசாரணையின் போது கைது செய்யப்பட்டார்.
ஹாலி-எல பொலிஸ் நிலையப் பொறுப்பதிகாரி சி.ஐ. சுகத் ரணசிங்க மேலதிக விசாரணைகளை மேற்கொண்டு வருகிறார்.
