எதிர்க்கட்சித் தலைவர் சஜித் பிரேமதாஸ மற்றும் இலங்கைக்கான பிரித்தானிய உயர்ஸ்தானிகர் ஆண்ட்ரூ பற்றிக் ஆகியோர் இன்று செவ்வாய்க்கிழமை கொழும்பிலுள்ள எதிர்க்கட்சித் தலைவர் அலுவலகத்தில் சந்தித்துக் கலந்துரையாடினர்.
நாட்டில் காணப்பட்டு வரும் மனித – யானை மோதலைத் தடுப்பதற்கு எதிர்க்கட்சித் தலைவர் சஜித் பிரேமதாஸ, வேல்ஸ் இளவரசரின் ஆதரவைக் கோரி வேல்ஸ் இளவரசருக்கு அனுப்புவதற்காக எழுதிய கடிதத்தை இலங்கைக்கான பிரித்தானிய உயர்ஸ்தானிகரிடம் கையளித்தார்.
ஆசிய வகையில் மிகப்பெரிய எண்ணிக்கையிலான யானைகளின் ஓர் வாழ்விடமாகக் காணப்படும் இலங்கையில் சுதந்திரமாக சுற்றித் திரியும் யானைகளைப் பாதுகாப்பதற்கு வேல்ஸ் இளவரசரின் விலைமதிப்பற்ற ஆதரவைப் பெற்றுத் தருமாறு இந்தக் கடிதத்தின் மூலம் கோரிக்கை விடுத்தார்.
ஒவ்வொரு வருடமும் 400 இற்கும் மேற்பட்ட யானைகளும், 150 இற்கும் மேற்பட்ட மனித இறப்புகளுக்கு நிகழ்கின்றது, நாளுக்கு நாள் அதிகரித்து வரும் இந்த மனித – யானை மோதலைத் தடுப்பதற்கு விஞ்ஞான அறிவியல் அடிப்படையிலான தேசிய காப்பீட்டு மூலோபாயத் திட்டமொன்றின் அவசரத் தேவையையும் எதிர்க்கட்சித் தலைவர் இங்கு எடுத்துரைத்தார்.
இதன் பிரகாரம், நீண்ட கால, நிலைபேறான சட்டகத்தின் கீழ், வனப் பாதுகாப்பு நிபுணர்கள், உள்நாட்டு சமூகங்கள் மற்றும் சர்வதேச பங்குதாரர்களையும் ஒன்றாக இணைத்துக் கொண்ட தேசிய யானைப் பாதுகாப்பு மற்றும் சகவாழ்வு முன்முயற்சியைத் ஸ்தாபிப்பதற்கும் இந்தக் கடிதத்தின் மூலம் யோசனை முன்வைக்கப்பட்டுள்ளது.
