
கிழக்குப் பல்கலைக்கழக விவசாயப்பீட வளாகத்தில் தீ பரவல்
கிழக்குப் பல்கலைக்கழகத்தின் விவசாயப்பீட வளாக பகுதியில் சற்றுமுன்னர் தீ பரவல் ஏற்பட்டுள்ளது.
குறித்த தீ பரவல் இன்று வெள்ளிக்கிழமை ஏற்பட்டுள்ளதாக பல்கலைக் கழக நிர்வாகம் தெரிவித்துள்ளது.
இந்த தீ பரவலினால் பல்கலைக்கழகத்தை அண்டிய பகுதியிலுள்ள காணிகளுக்கு சேதம் ஏற்பட்டுள்ளது.
குறித்த விடயம் தொடர்பில் பல்கலைக்கழக நிர்வாகம் ஏறாவூர்பற்று பிரதேச சபையின் தவிசாளருக்கு தெரிவித்ததையடுத்து சம்பவ இடத்திற்கு விரைந்த தவிசாளர் மற்றும் உறுப்பினர்கள் பிரதேச சபையின் ஊழியர்கள் மற்றும் பல்கலைக் கழக ஊழியர்கள் இணைந்து தீயினை கட்டுப்பாட்டின் கீழ் கொண்டுவரும் நடவடிக்கையினை முன்னெடுத்துள்ளனர்.
இந்த தீ பரவலுக்கான காரணம் இதுவரையில் வெளிவரவில்லை என்றும் அறிவிக்கப்பட்டுள்ளது.
