நீண்டதூர சேவையில் ஈடுபடுத்துவதற்காக 05 ரயில் இயந்திரங்களை பெற்றுக் கொள்வதற்கு அமைச்சரவை அனுமதி வழங்கியுள்ளதாக அமைச்சரவை பேச்சாளர் அமைச்சர் நளிந்த ஜயதிஸ்ஸ தெரிவித்துள்ளார்.
அரசாங்க தகவல் திணைக்களத்தில் இன்று இடம்பெற்ற அமைச்சரவை முடிவுகளை அறிவிக்கும் ஊடகவியலாளர் சந்திப்பின் போதே அவர் இதனை தெரிவித்துள்ளார்.
போக்குவரத்து நெரிசலான இடங்களில் ரயில்களை சேவையில் ஈடுபடுத்துவதற்குப் பொருத்தமான ரயில் இயந்திரங்கள் தற்போது இலங்கை ரயில்வே திணைக்களத்திடம் இல்லை.
நாளாந்தம் சேவையில் ஈடுபடுத்தப்படும் ரயில் இயந்திரங்களில் பெருமளவானவை 20 ஆண்டுகளுக்கும் பழமையானதால், திடீர் இயந்திர செயலிழப்புகள் மற்றும் இயக்கங்கள் தடைப்படுகின்றன.
அந்தவகையில் ரயில் பயணிகள் பாரிய அசௌகரியங்களுக்கு முகங்கொடுக்கின்றனர்.
அவற்றை தவிர்க்கும் வகையில் போக்குவரத்து, நெடுஞ்சாலைகள், துறைமுகங்கள் மற்றும் சிவில் விமான சேவைகள் அமைச்சர்; சமர்ப்பித்த யோசனைக்கு அமைச்சரவை அங்கீகாரம் வழங்கியுள்ளது.
