இந்தியாவில் 242 பேருடன் பயணித்த பயணிகள் விமானம் விபத்துக்குள்ளானது பலி எண்ணிக்கை அதிகரிக்கும்? -வீடியோ இணைப்பு-
இந்தியாவில் 242 பேருடன் பயணித்த பயணிகள் விமானம் விபத்துக்குள்ளானது பலி எண்ணிக்கை அதிகரிக்கும்?
-ச.சந்திரபிரகாஷ்-
இந்திய போயிங் 787 விமானம் லண்டன் கேட்விக் விமான நிலையத்திற்கு புறப்பட்ட சிறிது நேரத்திலேயே அகமதாபாத் நகரில் விபத்துக்குள்ளானதாக ஏர் இந்தியா தெரிவித்துள்ளது. இந்த விபத்தில் இதுவரை இந்திய சுகாதார அமைச்சர் “பலர்” கொல்லப்பட்டதாக தெரிவித்துள்ளார் இதுவரை 133 பேர் உயிரிழந்துள்ளமை உறுதி செய்யப்பட்டுள்ளது.
230 பயணிகள் மற்றும் 12 பணியாளர்கள் உட்பட 242 பேரை ஏற்றிச் சென்ற விமானம், சர்தார் வல்லபாய் படேல் சர்வதேச விமான நிலையத்திற்கு அருகிலுள்ள மெகானி பகுதியில் விழுந்து நொறுங்கியது. அதிக எரிபொருள் சுமை காரணமாக பாரிய தீ விபத்து ஏற்பட்டதுள்ளதாக அங்கிருந்து கிடைக்கம் செய்திகள் தெரிவிக்கின்றன.
மேற்கு இந்திய நகரமான அகமதாபாத்தில் 242 பயணிகள் மற்றும் பணியாளர்களுடன் சென்ற ஏர் இந்தியா விமானம் புறப்பட்ட சிறிது நேரத்திலேயே விபத்துக்குள்ளானதாக விமான நிறுவனம் தெரிவித்துள்ளது. உயிர் பிழைத்தவர்கள் குறித்து உடனடி தகவல்கள் எதுவும் இல்லை, ஆனால் இந்திய சுகாதார அமைச்சர் “பலர்” இறந்துள்ளதாக தெரிவித்துள்ளார்.
விமானம் ஒரு மருத்துவக் கல்லூரி வளாகத்தில் 30 திற்கும் மேற்பட்ட மாணவர்கள் சாப்பிட்டுக் கொண்டிருந்த ஒரு உணவகத்தில் மோதியது ,என்று கல்லூரியின் அதிபர் மினாக்ஷி பாரிக் தெரிவித்துள்ளார். இந்த விபத்தில் குறைந்தது ஐந்து மாணவர்கள் கொல்லப்பட்டதாக தெரியவருகின்றது.
இந்தியாவின் முதன்மை விமான நிறுவனமான ஏர் இந்தியா, சுமார் 15 ஆண்டுகளுக்கு முன்பு நடந்த ஆபத்தான சம்பவங்களுக்குப் பிறகு அதன் பாதுகாப்பு விடயங்களில் அதிக அக்கறை காட்டி வந்தது, இன்று வியாழக்கிழமை நடந்த விபத்துக்கு முன்னர், ஆகஸ்ட் 2020இல் துபாயில் இருந்து வந்த ஏர் இந்தியா எக்ஸ்பிரஸ் விமானம் கோழிக்கோட்டில் ஓடுபாதையை விட்டு விலகி விபத்துக்குள்ளானதில் விமானிகள் மற்றும் 19 பயணிகள் கொல்லப்பட்டனர்.
விமான நிலைய பாதுகாப்பை மேற்பார்வையிடும் இந்தியாவின் மத்திய தொழில்துறை பாதுகாப்புப் படையால் வெளியிடப்பட்ட புகைப்படங்கள், மருத்துவக் கல்லூரி வளாகத்தில் பெரும் சேதத்தைக் காட்டுகின்றன. அந்த நிறுவனத்தின் ஒரு துண்டுப்பிரசுர புகைப்படம், சேதமடைந்த கட்டிடத்திலிருந்து விமானத்தின் பின்புறப் பகுதி வெளியே நீட்டிக் கொண்டிருப்பதைக் காட்டியது.
வியாழக்கிழமை, 242 பயணிகள் மற்றும் பணியாளர்களுடன் லண்டனுக்குச் சென்ற ஏர் இந்தியா பயணிகள் விமானம் மேற்கு இந்தியாவில் விபத்துக்குள்ளானதாக விமான நிறுவனம் சமூக ஊடகங்களில் தெரிவித்துள்ளது. விபத்துக்குள்ளான போது விமானத்தில் 242 பயணிகள் மற்றும் பணியாளர்கள் இருந்ததாக ஏர் இந்தியா தெரிவித்துள்ளது. இவர்களில் 169 இந்தியர்கள், 53 பிரிட்டிஷ் நாட்டவர்கள், ஏழு போர்த்துகீசியர்கள் மற்றும் ஒரு கனடியர் அடங்குவர். உயிர் பிழைத்தவர்கள் குறித்து உடனடி தகவல்கள் எதுவும் இதுவரை இல்லை.
விமான விபத்துக்குப் பிறகும் தீயை அணைக்கும் பணியில் தீயணைப்பு வீரர்கள் ஈடுபட்டுள்ளனர். அகமதாபாத்தின் தலைமை தீயணைப்பு அதிகாரி அமித் டோங்ரே, 70க்கும் மேற்பட்ட தீயணைப்பு வாகனங்கள் சம்பவ இடத்தில் இருந்ததாகவும், காயமடைந்தவர்களை மீட்புக் குழுக்கள் மருத்துவமனைகளுக்கு அழைத்துச் சென்று வருவதாகவும் தெரிவித்துள்ளார்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
