அம்பியூலன்ஸ் – கெப் வாகனம் மோதி விபத்து : வாய்க்காலுக்குள் புரண்டு வீழ்ந்த அம்பியூலன்ஸ் வண்டி!
-மூதூர் நிருபர்-
திருகோணமலை – மட்டக்களப்பு பிரதான வீதியின் மூதூர் பொலிஸ் பிரிவிலுள்ள பாலத்தோப்பூர் பகுதியில் அம்பியூலன்ஸ் வண்டியும், கெப் வாகனமும் மோதி விபத்துக்குள்ளானதில் அம்பியூலன்ஸ் வண்டி வாய்க்காலுக்குள் புரண்டு வீழ்ந்துள்ளது.
இதில் அம்பியூலன்ஸ் வண்டியில் பயணித்த இருவர் காயமடைந்துள்ளனர்.
இன்று செவ்வாய்கிழமை பகல் இடம்பெற்ற இவ் விபத்துச் சம்பவத்தில் கிளிவெட்டி பிரதேச வைத்தியசாலையின் அம்பியூலன்ஸ் வண்டி சாரதி மற்றும் வைத்தியசாலை ஊழியரும் படுகாயமடைந்து கிளிவெட்டி வைத்தியசாலையில் அனுமதிக்கப்பட்டுள்ளார்.
மூதூர் தள வைத்தியசாலையில் நோயாளிகளை விட்டுவிட்டு, கிளிவெட்டி பிரதேச வைத்தியசாலையை நோக்கி பயணிக்கும் வழியிலேயே இந்த விபத்துச் சம்பவம் இடம்பெற்றுள்ளது.
சம்பவம் தொடர்பிலான மேலதிக விசாரணைகளை மூதூர் பொலிஸார் முன்னெடுத்து வருகின்றனர்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
