தொடங்கொடை பொலிஸ் பிரிவுக்கு உட்பட்ட மத்துகம – களுத்துறை வீதியில் லங்காபுர பிரதேசத்தில் இடம்பெற்ற விபத்தில் நேற்று வியாழக்கிழமை ஒருவர் உயிரிழந்துள்ளதாக தொடங்கொடை பொலிஸார் தெரிவித்தனர்.
உயிரிழந்தவர் பதுரலிய பிரதேசத்தைச் சேர்ந்த 33 வயதுடையவர் ஆவார்.
சாரதியின் கட்டுப்பாட்டை இழந்த லொறி ஒன்று எதிர்த்திசையில் பயணித்த மோட்டார் சைக்கிளுடன் மோதியதில் இந்த விபத்து இடம்பெற்றுள்ளது.
விபத்தின் போது மோட்டார் சைக்கிளின் செலுத்துனர் படுகாயமடைந்துள்ள நிலையில் களுத்துறை நாகொடை வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக பொலிஸார் தெரிவித்தனர்.
இது தொடர்பான மேலதிக விசாரணைகளை தொடங்கொடை பொலிஸார் மேற்கொண்டு வருகின்றனர்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
