ஆசிய கிரிக்கெட் சம்மேளனத்தின் ஏற்பாட்டில் நடைபெறும் வளர்ந்து வரும் வீரர்களுக்கான 6ஆவது ஆசியக் கிண்ண கிரிக்கெட் தொடர் எதிர்வரும் 18ஆம் திகதி முதல் 27ஆம் திகதி வரை ஓமானில் நடைபெறவுள்ள நிலையில் தொடரில் பங்கேற்கும் 15 பேர் கொண்ட இலங்கை ஏ குழாம் அறிவிக்கப்பட்டுள்ளது.
ஆசியக் கிண்ணத் தொடரில் இலங்கை, இந்தியா, பாகிஸ்தான், பங்களாதேஷ் மற்றும் ஆப்கானிஸ்தான் ஆகிய நாடுகளின் ஏ அணிகள் மற்றும் ஐக்கிய அரபு இராச்சியம், ஓமான் மற்றும் ஹொங்கொங் ஆகிய நாடுகளின் சிரேஷ்ட அணிகள் பங்கேற்கவுள்ளன.
இதன்படி, குழு ஏ இல் இலங்கை ஏ, பங்களாதேஷ் ஏ, ஆப்கானிஸ்தான் ஏ மற்றும் ஹொங்கொங் ஆகிய அணிகளும் குழு பி இல் இந்தியா ஏ, பாகிஸ்தான் ஏ, ஐக்கிய அரபு இராச்சியம் மற்றும் ஓமான் ஆகிய அணிகளும் இடம்பெற்றுள்ளன.
இலங்கை ஏ அணியின் தலைவராக லஹிரு உதார நியமிக்கப்பட்டுள்ளார்.
அத்துடன், தேசிய அணியில் விளையாடியுள்ள ரமேஷ் மெண்டிஸ், நுவனிந்து பெர்னாண்டோ மற்றும் சஹன் ஆராச்சிகே ஆகியோர் அணியில் பெயரிடப்பட்டுள்ளனர்.
எதிர்வரும் 18ஆம் திகதி இலங்கை தனது முதல் ஆட்டத்தில் ஆப்கானிஸ்தான் ஏ அணியை எதிர்கொள்கிறது.
