எரிபொருள் விலையில் நாளை திங்கட் கிழமை திருத்தம் மேற்கொள்ளப்படவுள்ளதாக மின்சக்தி மற்றும் எரிசக்தி அமைச்சு தெரிவித்துள்ளது.
இதேவேளை, இந்த மாதத்திற்கான எரிபொருள் விலை திருத்தம் கடந்த 4ஆம் திகதி மேற்கொள்ளப்பட்டது.
இதற்கமைய, ஒக்டேன் 95 பெற்றோல் லீற்றர் ஒன்றின் விலை 9 ரூபாவினால் குறைக்கப்பட்டு புதிய விலை 447 ரூபாவாக அறிவிக்கப்பட்டது.
சுப்பர் டீசல் லீற்றர் ஒன்றின் விலை 10 ரூபாவினால் குறைக்கப்பட்டு, 458 ரூபாவாக விற்பனை செய்யப்பட்டது.
மண்ணெண்ணெய் லீற்றர் ஒன்றின் விலை 5 ரூபாவினால் குறைக்கப்பட்டு 257 ரூபாவுக்கு விற்பனை செய்யப்பட்டது.
ஒக்டேன் 92 பெற்றோலின் விலை மற்றும் ஒட்டோ டீசலின் விலையில் மாற்றம் இல்லை எனவும் அறிவிக்கப்பட்டிருந்தமை குறிப்பிடத்தக்கது.
