சுவிட்சர்லாந்தின் ஆர்காவ் மாநிலத்தில் இடம்பெற்ற கார் விபத்தில் கார் ஓட்டுநர் மற்றும் பயணி உட்பட இருவரும் சம்பவ இடத்திலேயே உயிரிழந்தனர்.
ஆர்காவ் ரோட்டன்வில் பகுதியில் ஞாயிற்றுக்கிழமை பிற்பகல் 4.45 மணியளவில் இந்த மோசமான கார் விபத்து ஏற்பட்டதாக மாநில பொலிசார் தெரிவித்துள்னர்.
இந்தச் சம்பவம் ஒரு நீண்ட நேரான வீதியில் இடம்பெற்றதாகவும் எதிர்பாராத தருணத்தில், எதிரே வந்த பாரஊர்தியின் பாதையில் கார் திசைதிருப்பப்பட்டதால் இந்த விபத்து இடம்பெற்று உயிரிழப்புக்கு வழிவகுத்தது என பொலிசார் தெரிவித்துள்னர்.
அவசரகால சேவையாளர்கள் சம்பவ இடத்திற்கு விரைவான வந்த போதிலும்,; கார் விபத்துக்குள்ளான இடத்திலேயே சாரதி மற்றும் பயணி இருவரும் இறந்துவிட்டதாக அறிவிக்கப்பட்டது.
விபத்து தொடர்பான விசாரணைகளுக்காகவும், பாதிப்புகளை அகற்றும் வரைக்கும் இப்பாதையான் திங்கட்கிழமை அதிகாலை 1 மணிக்கு பின்னரே மீண்டும் போக்குவரத்திற்காக திறக்கப்பட்டது.
