ஒட்டிசுட்டான் பொலிஸ் பிரிவிற்குட்பட்ட சமளங்குளம் பகுதியில் நேற்றையதினம் திங்கட்கிழமை இரவு இடம்பெற்ற விபத்தில் சம்பவ இடத்திலேயே குடும்பஸ்தர் உயிரிழந்துள்ளார்.
விபத்தில் நெடுங்கேணி பகுதியை சேர்ந்த பழனியாண்டி தியாகராசா (வயது – 37) என்ற குடும்பஸ்தரே உயிரிழந்துள்ளார்.
நெடுங்கேணியில் இருந்து ஒட்டிசுட்டான் நோக்கி சென்ற ஹயஸ்ரக வாகனமும், ஒட்டிசுட்டான் பகுதியில் இருந்து நெடுங்கேணி நோக்கி சென்று கொண்டிருந்த மோட்டார் சைக்கிளும் நேருக்கு நேர் மோதியே இந்த விபத்து ஏற்பட்டுள்ளது.
உயிரிழந்தவரின் சடலம் முல்லைத்தீவு மாவட்ட மருத்துவமனையில் பிரேத அறையில் வைக்கப்பட்டு பிரேத பரிசோதனைகளின் பின்னர் உறவினர்களிடம் ஒப்படைக்கப்பட்டுள்ளது.
மேலும், இந்த விபத்துடன் தொடர்புடைய ஹயஸ் வாகனத்தின் சாரதி கைது செய்யப்பட்டு மேலதிக விசாரணைகள் ஒட்டிசுட்டான் பொலிஸாரால் மேற்கொள்ளப்பட்டு வருகின்றது.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
