கிளிநொச்சி மாவட்ட மக்களுக்கு சுத்தமான குடிநீரை பெற்றுக் கொடுப்பதற்கான ஏற்பாடாக கரைச்சி மற்றும் கண்டாவளை பிரதேசத்தின் பல்வேறு இடங்களில் நிர்மாணிக்கப்பட்ட குடிநீர் வழங்கல் திட்டத்தின் முதன் கட்டமாக 5 குடிநீர் தொகுதிகள் மக்கள் பாவனைக்காக கௌரவ அமைச்சர் டக்ளஸ் தேவானந்தா அவர்களால் இன்று புதன்கிழமை திறந்து வைக்கப்பட்டது.
அமைச்சர் டக்ளஸ் தேவானந்தா அவர்களின் விசேட ஏற்பாட்டின் கீழ் நிர்மாணிக்கப்பட்ட சுத்தமான குடிநீர்”வினியோகள்” இத்தொகுதிகளில் உருத்திரபுரம், பரந்தன்D3, பன்னங்கண்டி, கோரக்கன்கட்டு, மற்றும் கோரக்கன்கட்டு குடியிருப்பு ஆகிய 5 இடங்களில் உள்ள தொகுதிகளில் திறந்து வைக்கப்பட்டுள்ளது. இந் நிகழ்வில் கிளிநொச்சி மாவட்ட அரசாங்க அதிபர்.ரூபவதி கேதீஸ்வரன் மற்றும் தேசிய நகர அபிவிருத்தி அமச்சின் செயலாளர் ஆனந்தா பண்ணங்கண்டி, நீர்பாசன தினைக்கள அதிகாரி, கிராமமக்கள் என பலரும் கலந்துகொண்டனர். அப்பகுதி மக்கள் பல காலமாக சுத்தமான குடிநீர் இன்றி அவதியுற்ற நிலையில் தற்பொழுது சுத்திகரிக்கப்பட்ட குடிநீரை பெற்றுத்தந்தமைக்கு நன்றி தெரிவித்தனர்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
