தற்போது மார்ச் மாதம் என்றாலும் மே மற்றும் ஜூன் மாதங்களில் முழுமையான கோடை காலத்தில் இருப்பதை போலவே நாட்டின் பல இடங்களில் வெயில் வாட்டி வதைத்து வருகிறது. இதனால் மக்கள் பெரும் சிரமத்துக்கு உள்ளாகி இருக்கிறார்கள்.
பொதுவாக குளிர் காலத்தை தொடர்ந்து கோடைகாலம் படிப்படியாக துவங்கும் என்பதால் வெயிலுக்கு முன் வாட்டி வதைத்த குளிரில் இருந்து சில நாட்கள் நீடிக்கும் மிதமான வெப்பநிலை நிவாரணம் அளிக்கலாம். என்றாலும் படிப்படியாக வெயில் அதிகரிப்பதால் டிஹைட்ரேஷன், வயிறு சம்பந்தப்பட்ட பிரச்சனைகள், பாக்டீரியா தொற்று, ஹீட் ஸ்ட்ரோக் போன்ற பல உடல்நல பிரச்சனைகள் ஏற்பட கூடும்.
எனவே கோடைகாலம் துவங்கி விட்டாலே உடல் ஆரோக்கியத்தை முறையாக பராமரிக்க சரியான மற்றும் ஆரோக்கியமான உணவுகளை நீங்கள் சேர்த்து கொள்வதை உறுதிப்படுத்துவது முக்கியம். கோடைகால வெப்பத்தை சமாளித்து ஆரோக்கியமாக இருக்க உதவும் உணவு குறிப்புகளை பார்க்கலாம்…
ஹைட்ரேட்டாக இருங்கள்:
கோடை காலத்தில் சுட்டெரிக்கும் வெயில் மற்றும் வெப்ப அலையை சமாளிக்க உடலை ஹைட்ரேட்டாக வைத்திருப்பது மிகவும் முக்கியமானது. உடலில் நீர்ச்சத்தை தக்க வைக்க குடிநீரை விட சிறந்தது என்ன இருக்கிறது..? தினசரி நிபுணர்கள் பரிந்துரைக்கப்பட்ட அளவு 3 முதல் 4 லிட்டர் தண்ணீர் குடிப்பதை உறுதி செய்து கொள்ள வேண்டும்.
பருவகால பழங்களை சாப்பிடுங்கள் :
அன்னாசிப்பழம், மாம்பழம், தர்பூசணி, கிர்ணி பழம், லிச்சி, எலுமிச்சை போன்ற பருவகால பழங்கள் மற்றும் , ப்ளுபெர்ரிக்கள், ஆரஞ்சு போன்ற பழங்கள் கோடைகால வெப்பத்தை சமாளிக்க மிகவும் ஏற்றது. எனவே உங்கள் தினசரி டயட்டில் பருவகால பழங்களை சேர்ப்பதை உறுதிப்படுத்தி கொள்ளுங்கள்.
மெலிதான உணவு
கோடைக்காலம் என்பது மெல்லிய உணவுகளை சாப்பிட வேண்டிய பருவம் ஆகும். ஏனெனில் கோடையில் நிலவும் வெப்பமான சூழல் காரணமாக பொதுவாக நாம் சாப்பிடும் உணவை ஜீரணிக்க அதிக நேரம் எடுக்கும். எனவே கோடை காலத்தில் உங்கள் செரிமான பாதை நன்றாக வேலை செய்கிறது என்பதை உறுதிப்படுத்த மெல்லிய உணவுகளை சாப்பிடுவதற்கு முக்கியத்துவம் கொடுங்கள்.
குளிர்மையான உணவு :
கோடைகாலம் என்றாலே ஐஸ்கிரீம் மற்றும் குளிர்பானங்கள் சாப்பிட்டு அனுபவிப்பதற்கான காலம் ஆகும். . உங்கள் உடலை குளிர்ச்சியாக வைத்து கொள்ள உதவும் ஆரோக்கிய பானங்கள் மற்றும் உணவு தேவைப்படும் காலம் இது.
உடனடி பழச்சாறு குடிக்கவும் :
ஆண்டு முழுவதும் குளிர் பானங்களை குடிப்பதை நீங்கள் விரும்பலாம், ஆனால் இந்த கோடை காலத்தில் செயற்கை குளிர்பானங்களுக்கு பதிலாக, உடனடி பழச்சாறு பருக முக்கியத்துவம் கொடுங்கள். பருவகால பழங்களில் தயாரிக்கப்படும் உடனடி பழச்சாறு உங்கள் ஆரோக்கியத்திற்கும், கோடையை சமாளிக்கவும் சிறந்தது.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
