700,000 ரூபாய் மதிப்புள்ள மாம்பழங்களை திருடிய 4 பேர் கைது செய்யப்பட்டுள்ளனர்.
ஹம்பாந்தோட்டை சூரியவெவ மதுனகல பிரதேசத்தில் 20 ஏக்கர் மாந்தோட்டம் ஒன்றில் இச்சம்பவம் இடம்பெற்றுள்ளது.
சந்தேகநபர்கள் நேற்று முன்தினம் திங்கட்கிழமை வேனில் வந்து சட்டவிரோதமான முறையில் மாம்பழ தோட்டத்திற்குள் நுழைந்து திருட்டுச் சம்பவத்தை மேற்கொண்டுள்ளதாக பொலிஸார் தெரிவித்தனர்.
கொள்ளைச் சம்பவம் தொடர்பில் தகவல் அறிந்த தோட்டத்தின் உரிமையாளர் பிரதேசவாசிகளின் உதவியுடன் சந்தேக நபர்களை பொலிஸாரிடம் பிடித்து கொடுத்துள்ளார்.
கைது செய்யப்பட்டவர்களில் சந்தேகநபர்கள் சூரியவெவ மற்றும் ஹொரணை பிரதேசங்களை சேர்ந்தவர்கள் எனவும், கைது செய்யப்பட்டவர்களில் 14 வயதுடைய பாடசாலை மாணவனும் அடங்குவதாகவும் பொலிஸார் தெரிவித்தனர்.
சம்பவம் தொடர்பில் சூரியவெவ பொலிஸார் விசாரணைகளை மேற்கொண்டு வருகின்றனர்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
