நுவரெலியா மாவட்டத்தின் கந்தப்பளை – கொங்கோடியா பகுதியில் பாரவூர்தி ஒன்று வீதியை விட்டு விலகி பள்ளத்தில் வீழ்ந்து விபத்துக்குள்ளானதில் ஒருவர் உயிர் இழந்துள்ளதுடன் 6 பேர் காயமடைந்துள்ளதாக பொலிஸார் தெரிவித்துள்ளனர்.
கந்தப்பளையில் இருந்து கொங்கோடியா பகுதிக்கு மரக்கறி ஏற்றச் சென்ற பாரவூர்தி ஒன்றே வீதியை விட்டு விலகி 30 அடி பள்ளத்தில் வீழ்ந்து விபத்துக்குள்ளாகியுள்ளது.
விபத்தில் 43 வயதான ஒருவரே உயிரிழந்துள்ளார்.
காயமடைந்த 6 பேரும் நுவரெலியா மாவட்ட பொது வைத்தியசாலையில் அனுமதிக்கப்பட்டுள்ளனர்.
விபத்து தொடர்பிலான மேலதிக விசாரணைகளை பொலிஸார் மேற்கொண்டு வருகின்றனர்.