-பதுளை நிருபர்-
பசறை ஆக்கரத்தனை விசேட அதிரடிப் படையினரால் 3 துப்பாக்கிகளுடன் இருவர் கைது செய்யப்பட்டுள்ளனர்.
பசறை ஆக்கரத்தனை பகுதியில் முகாமிட்டுள்ள விஷேட அதிரடிப் படை புலனாய்வு பிரிவினருக்கு கிடைக்கப்பெற்ற இரகசிய தகவலுக்கு அமைய, பசறை அமுனுமுல்ல கொட்டமுதுன பகுதியில் நேற்று ஞாயிற்றுக்கிழமை மாலை தேடுதலை மேற்கொண்ட விஷேட அதிரடிப் படையினர், மறைத்து வைக்கப்பட்டிருந்த வெடி பொருள் நிரப்பி சுடக்கூடிய துப்பாக்கி ஒன்றை கைப்பற்றியதோடு, அதே பகுதியை சேர்ந்த 50 வயதுடைய நபர் ஒருவரையும் கைது செய்துள்ளனர்.
மேலும், அதே பகுதியை சேர்ந்த நபர் ஒருவரிடம் உள்ளூரில் தயாரிக்கப்பட்ட சொட் கன் ஒன்றும் மற்றும் வெடிபொருள் நிரப்பி சுடக்கூடிய துப்பாக்கி ஒன்றுமாக இரண்டு துப்பாக்கிகளை மீட்டுள்ளனர்.
அத்துடன் அதே பகுதியை சேர்ந்த 38 வயதுடைய நபர் ஒருவரும் கைது செய்யப்பட்டுள்ளார்.
குறித்த இரண்டு சந்தேக நபர்களையும் 3 துப்பாக்கிகளையும் பசறை பொலிஸ் நிலையத்தில் ஒப்படைத்துள்ளனர்.
அத்துடன், சந்தேக நபர்களிடம் விசாரணைகளை மேற்கொண்டு வரும் பசறை பொலிஸார், இன்று திங்கட்கிழமை குறித்த சந்தேக நபர்களை பதுளை நீதவான் நீதிமன்றத்தில் ஆஜர் படுத்துவதற்கான நடவடிக்கைகளை மேற்கொண்டு வருவதாக பசறை பொலிஸார் தெரிவித்தனர்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
