சுவிஸ் இன்டர்நேஷனல் ஏர்லைன்ஸ், செலவுகளைக் குறைக்கும் நோக்கில், கனடாவின் மொன்றியல் நகருக்கு இந்திய கபின் பணியாளர்களை சேவையில் அமர்த்த திட்டமிட்டுள்ளது.
அவர்களுக்கு மாதாந்த சம்பளமாக 580-950 சுவிஸ் பிராங் வழங்கப்படலாம் என செய்திகள் வெளியாகியுள்ளன.
இருப்பினும், இதுவரை எந்த இறுதி முடிவும் எடுக்கப்படவில்லை என சுவிஸ் நிறுவன அதிகாரி ஒருவர் தெரிவித்துள்ளார்.
லுஃப்தான்சாவின் துணை நிறுவனமான சுவிஸ், ஏற்கனவே இந்தியா, தாய்லாந்து, சீனா மற்றும் ஜப்பான் ஆகிய நாடுகளில் உள்ள தளங்களில் சர்வதேச கபின் பணியாளர்கள் என்று அழைக்கப்படும் சுமார் 230 பேரைப் பணியமர்த்துகிறது.
மொழி மற்றும் கலாச்சார அடிப்படையில் சில வழித்தடங்களில் வெளிநாட்டிலிருந்து பணியாளர்களை பணியமர்த்துவதை விமான நிறுவனம் நியாயப்படுத்துகிறது.
