ஜனாதிபதி நிதியிலிருந்து 2008 மற்றும் 2024 க்கு இடையில் பெறப்பட்டதாக கூறப்படும் நிதி தொடர்பாக குற்றப் புலனாய்வுத் துறையின் (CID) நிதி மற்றும் வணிகக் குற்றப் புலனாய்வுப் பிரிவினர் (FCCID) 22 முன்னாள் அமைச்சர்கள் மற்றும் நாடாளுமன்ற உறுப்பினர்கள் மீதான விசாரணையைத் தொடங்கியுள்ளனர்.
இந்த நிதியை வழங்குவது தொடர்பான 22 கோப்புகளை குற்றப் புலனாய்வுத் துறையினர் ஆராய்ந்து வருவதாகக் பொலிசார் தெரிவித்துள்ளனர்.
முதற்கட்ட விசாரணையில், 22 முன்னாள் அமைச்சர்கள் மற்றும் நாடாளுமன்ற உறுப்பினர்கள் பல்வேறு தொகைகளில் ரூ. 100 மில்லியனுக்கும் அதிகமான தொகையைப் பெற்றுள்ளதாகவும், பணத்தைப் பெறுவதில் ஏதேனும் முறைகேடு நடந்ததா என்பது குறித்து விசாரணைகள் மேற்கொள்ளப்பட்டு வருவதாகவும் தெரியவந்துள்ளது.
விசாரணையின் ஒரு பகுதியாக, ஜனாதிபதி நிதிக் கணக்கிலிருந்து வழங்கப்பட்ட காசோலைகளின் விவரங்களை அணுக, அதிகாரிகள் ஏப்ரல் நேற்று புதன்கிழமை கோட்டை நீதவான் நீதிமன்றத்திடம் ஒப்புதல் கோரியிருந்தனர்.
பெயரிடப்பட்டவர்களில் முன்னாள் அமைச்சர் கெஹலிய ரம்புக்வெல்ல ரூ. 11 மில்லியன், முன்னாள் அமைச்சர் டாக்டர் ராஜித சேனாரத்ன ரூ. 10 மில்லியன், மறைந்த பிரதமர் டி.எம். ஜெயரத்னவுக்கு ரூ. 30 மில்லியன், மற்றும் முன்னாள் பாராளுமன்ற உறுப்பினர் ரஞ்சித் டி சொய்சா ரூ. 18 மில்லியன்.
வாசுதேவ நாணயக்கார, விதுர விக்கிரமநாயக்க, விமல திஸாநாயக்க, சுமேத ஜயசேன, எஸ்.பி. நாவின்ன, ஜோன் அமரதுங்க, சரத் அமுங்கம, பி.ஹரிசன், பியசேன கமகே, மனோஜ் சிறிசேன, பி.தயாரதன, மற்றும் எஸ்.சி.முத்துக்குமாரண ஆகியோரும் அடங்குவதாக ஆங்கில தேசிய இணையதளங்களில் செய்தி வெளியிடப்பட்டுள்ளன.
