நாட்டில் ஏற்பட்டுள்ள மிகப்பெரிய உப்பு பற்றாக்குறையை சமாளிக்க அதிகாரிகள் திணறி வரும் நிலையில், திடீரென பெய்த கனமழை காரணமாக தயார் நிலையில் இருந்த 15,000 மெட்ரிக்டன் உப்பு நீரில் அடித்துச் செல்லப்பட்டுள்ளதாக, புத்தள உப்பு உற்பத்தியாளர்கள் தெரிவிக்கின்றனர்.
நாடு முழுவதும் நிலவும் உப்பு பற்றாக்குறைக்கு முக்கிய காரணம் தொடர்ச்சியான மழைப்பொழிவு மற்றும் முறையான உப்பு உற்பத்திக்குத் தேவையான போதுமான சூரிய ஒளி இல்லாததே என்று அவர்கள் தெரிவிக்கின்றனர்.
இலங்கையின் மொத்த உப்பு உற்பத்தியில் புத்தளம் தோராயமாக 60சதவீதம் பங்களிக்கிறது. சாதகமான வெயில் காலங்களில், தனியார் மற்றும் அரசு நடத்தும் உப்பு உற்பத்தி வசதிகள் 100,000 மெட்ரிக் டன்களுக்கு மேல் அறுவடை செய்ய முடிந்தது.
இருப்பினும், தொடர்ந்து பெய்யும் மழை உப்பு உற்பத்தியை கடுமையாக பாதித்துள்ளது மற்றும் உள்ளூர் உற்பத்தியாளர்களுக்கு குறிப்பிடத்தக்க நிதி நெருக்கடியை ஏற்படுத்தியுள்ளது.
உப்பு நிலங்களில் முன்பு ரூ.1,500க்கு விலை நிர்ணயிக்கப்பட்ட 50 கிலோ உப்பு மூட்டை இப்போது கிட்டத்தட்ட ரூ.7,000க்கு விற்கப்படுகிறது. சில்லறை விலைகளும் சாதனை அளவை எட்டியுள்ளன.
புத்தளம் கடுமையான வெயில் காலத்தை அனுபவித்து வந்த நிலையில், உப்பு படிகங்கள் உருவாகி, வரவிருக்கும் ‘யாலா’ பருவத்திற்கு அதிக மகசூல் கிடைக்கும் என எதிர்பார்க்கப்படுகிறது. நேற்று முன்தினம் சனிக்கிழமை தொடங்கிய எதிர்பாராத மழை மீண்டும் உற்பத்தியை சீர்குலைத்து, புதிதாக உருவாகும் உப்பு அறுவடையை அழித்துவிட்டது என்றும் உற்பத்தியாளர்கள் தெரிவித்தனர்.
