இலங்கை மற்றும் நியூசிலாந்து அணிகளுக்கு இடையிலான இரண்டாவது ஒருநாள் சர்வதேச கிரிக்கெட் போட்டியில் நியூசிலாந்து அணி 113 ஓட்டங்களால் வெற்றி பெற்றுள்ளது.
நாணய சுழற்சியில் வெற்றிபெற்ற இலங்கை அணி முதலில் களத்தடுப்பில் ஈடுபடத் தீர்மானித்தது. மழைகாரணமாக குறித்த போட்டி 37 ஓவர்களாக மட்டுப்படுத்தப்பட்டது.
அதற்கமைய, முதலில் துடுப்பாடிய நியூசிலாந்து அணி நிர்ணயிக்கப்பட்ட 37 ஓவர்களில் 9 விக்கெட்டுக்களை இழந்து 255 ஓட்டங்களைப் பெற்றது.
துடுப்பாட்டத்தில் நியூசிலாந்து அணி ரச்சின் ரவீந்திரா 79 ஓட்டங்களையும், மார்க் சேம்ப்மென் 62 ஓட்டங்களையும் அதிகபட்சமாகப் பெற்றுக் கொடுத்தனர்.
பந்துவீச்சில் இலங்கை அணியின் மஹீஸ் தீக்ஷன 4 விக்கெட்டுக்களையும், வனிந்து ஹசரங்க 2 விக்கெட்டுக்களையும் வீழ்த்தினர்.
இந்நிலையில், 256 ஓட்டங்கள் என்ற வெற்றி இலக்கை நோக்கிப் பதிலளித்தாடிய இலங்கை அணி 30.2 ஓவர்களில் சகல விக்கெட்டுக்களையும் இழந்து 142 ஓட்டங்களை மாத்திரமே பெற்றது.
3 போட்டிகள் கொண்ட ஒருநாள் தொடரை நியூசிலாந்து அணி 2-0 என்ற கணக்கில் வெற்றி கொண்டது
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
