-பதுளை நிருபர்-
மஹியங்கனை பொலிஸ் பிரிவுக்கு உட்பட்ட ரிதிகொட்டாலியா பகுதியில் ஹெரோயின் போதைப் பொருளுடன் ஒருவர் கைது செய்யப்பட்டுள்ளார்.
தொடம்வத்த புஜநகர் மஹியங்கனை பகுதியை சேர்ந்த 33 வயதுடைய நபரே
மஹியங்கனை பொலிஸாரினால் கைது செய்யப்பட்டுள்ளார்.
மஹியங்கனை பொலிஸாருக்கு கிடைக்கப்பெற்ற இரகசிய தகவலுக்கு அமைய ரிதிகொட்டாலியா பகுதியில் வைத்து சந்தேகத்துக்கு இடமான நபரை சோதனைக்கு உட்படுத்திய போது அவரிடம் இருந்து 10 கிராம் 700 மில்லி கிராம் ஹெரோயின் போதை பொருள் மீட்கப்பட்டுள்ளதாக பொலிஸார் தெரிவித்தனர்.
சந்தேக நபரிடம் விசாரணைகளை மேற்கொண்டதன் பின்னர் இன்றைய தினம் வெள்ளிக்கிழமை மஹியங்கனை நீதவான் நீதிமன்றத்தில் ஆஜர் படுத்துவதற்கான நடவடிக்கைகளை மேற்கொண்டு வருவதாக மஹியங்கனை பொலிஸார் தெரிவித்தனர்
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
