பௌத்தர்களின் புனித தளமான ஸ்ரீ தலதா மாளிகையில் நடிகை தேவ்னகா போரஜ் மற்றும் இசைக் கலைஞர் ஹாஷினி வெதண்டா ஆகியோருடன் திருமணத்திற்கு முந்தைய புகைப்படங்கள் வெளியாகியுள்ளமை தொடர்பில், கண்டி பொலிஸார் விசாரணைகளை ஆரம்பித்துள்ளனர்.
ஸ்ரீ தலதா மாளிகையில் இந்த படப்பிடிப்பு நடந்ததாகவும், இதனால் கோவிலுக்கு அதிருப்தி ஏற்பட்டதாகவும் தகவல் வெளியானது. கோவிலில் இருந்த பொலிஸ் அதிகாரிகள் படப்பிடிப்பை நிறுத்துமாறு படக்குழுவினருக்கு அறிவுறுத்தியதாக, தெரிவிக்கப்படுகிறது, ஆனால் இவர்கள் முக்கிய பிரமுகர் என்று கூறிக்கொண்டு ஒரு நபர் வந்து அவர்களை படப்பிடிப்பை தொடர அறிவுறுத்தினார்.
கோயில் வளாகத்தில் உள்ள ‘ஹேவிசி மண்டபம்’ உள்ளிட்ட பல்வேறு இடங்களில் படப்பிடிப்பு நடந்தது. இந்த நிகழ்வின் புகைப்படங்கள் சமூக ஊடகங்களில் பரவியது, பலர் இதை அவமரியாதை மற்றும் புனித தளத்திற்கு அவமதிப்பு என்று தெரிவித்துள்ளனர்.
பல பௌத்த அமைப்புகள் இச்சம்பவம் குறித்து கவலை தெரிவித்ததுடன், இவ்வாறான நடவடிக்கைகள் பொதுமக்களுக்கு பாதகமான தாக்கத்தை ஏற்படுத்தும் என எச்சரித்ததுடன், சம்பந்தப்பட்டவர்களுக்கு எதிராக சட்ட நடவடிக்கை எடுக்குமாறும் கோரிக்கை விடுக்கப்பட்டுள்ளது.
