வெறும் வயிற்றில் சாப்பிடக்கூடாத உணவுகள்
வெறும் வயிற்றில் சாப்பிடக்கூடாத உணவுகள்
வெறும் வயிற்றில் சாப்பிடக்கூடாத உணவுகள்
🟤வெறும் வயிற்றில் நாம் உண்ணும் சில உணவுகள், ஆரோக்கியமாக இருந்தாலும் கூட, செரிமான கோளாறுகளை ஏற்படுத்தலாம் அல்லது சீர்குலைக்கலாம். எனவே, வெறும் வயிற்றில் சில குறிப்பிட்ட உணவுகள் சாப்பிடுவதை தவிர்த்து விடுவது நல்லது. ஏனெனில் அவை உடலுக்கு பல்வேறு தீங்கை ஏற்படுத்தக்கூடிவையாகும். காலை உணவு உடலுக்கு அவசியமானது. ஏனெனில் இரவு முழுவதும் ஓய்வில் இருக்கும் உடலுக்கு தேவையான ஆற்றலை காலை உணவு வழங்கக்கூடியது. எனவே காலை உணவை சாப்பிடுவதில் கவனம் செலுத்த வேண்டும். வெறும் வயிற்றில் நாம் சாப்பிடக்கூடாத உணவுகள் என்ன என்பது பற்றி இக்கட்டுரையில் பார்க்கலாம்.
சோடா
🔻வெறும் வயிற்றில் சோடா குடிப்பது வீக்கம், வாயு மற்றும் அசௌகரியத்திற்கு வழிவகுக்கும். சோடாவில் கார்போனேட்டட் ஆசிட் அதிகம் இருப்பதால், வயிற்றை விரிவடைய செய்து வயிற்று உப்புசம் மற்றும் அசௌகரியத்தை உண்டாக்கும். மேலும் இது வயிற்று அமில உற்பத்தியை தூண்டி ஆசிட் ரிஃப்ளக்ஸ் அறிகுறிகளை ஏற்படுத்துகிறது.
காரமான உணவுகள்
🔻காரமான உணவுகளானது எந்த நேரத்திலும் நமது செரிமான அமைப்பில் கடினமாக இருக்கலாம், ஆனால் அவை குறிப்பாக வெறும் வயிற்றில் தீங்கு விளைவிக்கும். மிளகாய், பூண்டு மற்றும் சூடான சாஸ்கள் போன்ற மசாலாப் பொருட்கள் வயிற்றில் எரிச்சலை ஏற்படுத்தி நமக்கு பிரச்சனைகளை உண்டாக்கலாம். அதிலும் குறிப்பாக இவற்றை வெறும் வயிற்றில் சாப்பிடும் பொழுது வயிற்றில் பிரச்சனைகள் உண்டாகிறது. இவை ஆசிட் ரிஃப்ளக்ஸ், செரிமானமின்மை அல்லது மோசமான சூழ்நிலைகளில் கேஸ்டிரிட்டிஸ் அல்லது பெப்டிக் அல்சர் போன்றவற்றை ஏற்படுத்தலாம்.
சர்க்கரை நிறைந்த உணவு அல்லது பானங்கள்
🔻பேஸ்ட்ரிகள், சர்க்கரை நிறைந்த தானியங்கள் அல்லது பழச்சாறுகள் போன்ற சர்க்கரை உணவுகள் அல்லது பானங்களுடன் நம் நாளைத் தொடங்குவது இரத்தத்தில் சர்க்கரையின் அளவை அதிகரிக்கச் செய்யலாம். வெறும் வயிற்றில் இந்த சர்க்கரை நிறைந்த உணவு அல்லது பானங்கள் சாப்பிடுவது உங்களை மந்தமாகவும், சோர்வாகவும் உணர வைக்கலாம். மேலும், நாளடைவில் இன்சுலின் எதிர்ப்பு திறனுக்கு பங்களிக்கிறது.
காபி
🔻பலர் தங்கள் நாளை ஒரு கப் காபியுடன் தொடங்குகிறார்கள், ஆனால் அதை வெறும் வயிற்றில் குடிப்பது எதிர்மறையான விளைவுகளை ஏற்படுத்தும். காபி வயிற்றில் உள்ள ஆசிட்டை உற்பத்தி செய்வதற்கு தூண்டுகிறது. ஆகவே வெறும் வயிற்றில் காபி குடித்தால் நெஞ்செரிச்சல், ஆசிட் ரிஃப்ளக்ஸ் அல்லது கேஸ்டிரிட்டிஸ் போன்ற பிரச்சனைகள் உருவாகிறது.
பச்சை காய்கறிகள்
🔻பச்சை காய்கறிகள் சந்தேகத்திற்கு இடமின்றி ஆரோக்கியமானவை, ஆனால் அவை வெறும் வயிற்றில் சிறந்த தேர்வாக இருக்காது. பச்சை காய்கறிகளில் இருக்கும் அதிக அளவிலான நார்ச்சத்து வயிற்றை நிறைத்துவிடும். ஆனால் இது அடி வயிறு வலி, வயிறு இறுக்கிப் பிடித்தல் போன்ற உபாதைகளை உண்டாக்கக்கூடியது.
வாழைப்பழங்கள்
🔻பெரும்பாலும் பயணத்தின் போது சரியான சிற்றுண்டியாக வாழைப்பழம் காணப்படுகின்றன, ஆனால் அவற்றை வெறும் வயிற்றில் சாப்பிடுவது சிறந்த தேர்வாக இருக்காது. வாழைப்பழத்தில் மெக்னீசியம் அதிகம் இருப்பதால், இதனை காலையில் வெறும் வயிற்றில் சாப்பிடுவதால், மக்னீசியம் உடலில் அதிகரித்து, கால்சியம் மற்றும் மக்னீசியத்தில் ஏற்றத்தாழ்வுகள் ஏற்படக்கூடும். எனவே எக்காரணம் கொண்டும் வாழைப்பழத்தை வெறும் வயிற்றில் சாப்பிடாதீர்கள்.
வெறும் வயிற்றில் சாப்பிடக்கூடாத உணவுகள்
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
