கிளிநொச்சி, பளை – சோறன்பற்று பகுதியில் வீடொன்றுக்குள் புகுந்து வாள்வெட்டுக் குழுவினர் உடமைகளை சேதமாக்கியுள்ளதாக தெரிவிக்கப்பட்டுள்ளது.
நேற்று புதன்கிழமை இந்த தாக்குதல் மேற்கொள்ளப்பட்டுள்ளதாக பொலிஸார் தெரிவித்துள்ளனர்.
முகங்களை மூடியவாறு வாள், கத்திகள் மற்றும் பெற்றோல் குண்டுடன் வீட்டிற்குள் புகுந்துள்ளனர்.
குறித்த நபர்கள் வீட்டிலிருந்த தளபாடங்களை சேதப்படுத்திய போது, வீட்டு உரிமையாளர்கள் கூச்சலிட்டுள்ளதையடுத்து, சந்தேகநபர்கள் தப்பிச் சென்றுள்ளனர்.
இந்த சம்பவம் தொடர்பில் பளை பொலிஸார் மேலதிக விசாரணைகளை முன்னெடுத்துள்ளனர்.
