கடந்த வாரத்தில் காவல்துறையினரால் நடத்தப்பட்ட விசேட சோதனையின் போது 3,387 சந்தேகநபர்கள் கைது செய்யப்பட்டுள்ளதாக காவல்துறை தெரிவித்துள்ளது.
இந்த மாதம் 15 ஆம் திகதி முதல் 21 ஆம் திகதி வரை நாடு முழுவதும் நடத்தப்பட்ட சோதனைகளின் போது இவர்கள் கைது செய்யப்பட்டதாக காவல்துறை ஊடகப் பிரிவு தெரிவித்துள்ளது.
அந்த சோதனைகளின் போது, 03 கிலோகிராம் 869 கிராம் ஹெராயின், 02 கிலோகிராம் 119 கிராம் ஐஸ், 97 கிராம் ஹஷிஷ் மற்றும் 166 கிலோகிராம் கஞ்சா பறிமுதல் செய்யப்பட்டதாகக் கூறப்படுகிறது.
போதைப்பொருள் வலையமைப்பை அடையாளம் காண காவல்துறை மா அதிபரின் அறிவுறுத்தலின் பேரில் இந்த சிறப்பு நடவடிக்கை மேற்கொள்ளப்பட்டமை குறிப்பிடத்தக்கது.
