விசேட சுற்றிவளைப்பு- 5,074 பேர் கைது

நாடளாவிய ரீதியில் மேற்கொள்ளப்பட்ட விசேட சுற்றிவளைப்பு நடவடிக்கையின் போது 5,074 பேர் கைது செய்யப்பட்டுள்ளதாக காவல்துறை ஊடகப் பிரிவு தெரிவித்துள்ளது.

காவல்துறை அதிகாரிகள், இராணுவ வீரர்கள்,காவல்துறை விசேட அதிரடிப்படையினர் மற்றும் கடற்படையினர் ஆகியோர் இணைந்து குறித்த சுற்றிவளைப்பு நடவடிக்கையை மேற்கொண்டுள்ளனர்.

இந்த விசேட சுற்றிவளைப்பு நடவடிக்கையின் போது பல்வேறு குற்றச் செயல்கள் தொடர்பில் ஆதாரங்களுடன் 30 பேரும்இ சந்தேகத்தின் பேரில் 789 பேரும் கைதுசெய்யப்பட்டுள்ளனர் .

அத்துடன் பிடியாணை உத்தரவு பிறப்பிக்கப்பட்ட 269 பேரும் திறந்த பிடியாணை உத்தரவு பிறப்பிக்கப்பட்ட 174 பேரும் மதுபோதையில் வாகனங்களை செலுத்தியமை தொடர்பில் 48 சாரதிகளும் கவனக்குறைவாக வாகனங்களை செலுத்தியமை தொடர்பில் 27 சாரதிகளும் ஏனைய போக்குவரத்து விதிமுறைகளை மீறியமை தொடர்பில் 3727 பேரும் கைது செய்யப்பட்டதாக காவல்துறை ஊடகப் பிரிவு தெரிவித்துள்ளது.