-திருகோணமலை நிருபர்-
திருகோணமலை குச்சவெளி பிரதேசத்தில் லயன் கிளப் ஒஃப் ரிங்கோமலி யுனிட் (Lion club of Trincomalee United) கழகத்தினால் இலவச கண் பரிசோதனையும் மூக்கு கண்ணாடி வழங்கும் நிகழ்வு நேற்று சனிக்கிழமை இடம்பெற்றது.
கிராமப்புரங்களில் வாழ்ந்து வரும் கண்பார்வை குறைந்த மக்களின் நலன் கருதி பார்வையை கொடுப்போம் என்ற நோக்குடன் இத்திட்டம் நடைமுறைப்படுத்தப்பட்டு வருகின்றது.
இதன் ஊடாக 200க்கும் மேற்பட்டவர்களுக்கு இலவசமாக கண் பரிசோதனையும்,இலவச மூக்குக் கண்ணாடியும் வழங்கி வைக்கப்பட்டது.
புல்மோட்டை ,குச்சவெளி, இரணைக்கேணி, திரியாய் பகுதிகளைச்சேர்ந்தவர்கள் கலந்து கொண்டு இலவச மூக்கு கண்ணாடிகளை பெற்றுக் கொண்டதும் குறிப்பிடத்தக்கது.
