மூத்த பொலிஸ் அதிகாரி ஒருவரின் Whatsapp கணக்கை ஊடுருவி 400,000 ரூபாயை மோசடி செய்ததாக சந்தேகிக்கப்படும் நைஜீரிய நாட்டவர் மீது விசாரணைகள் நடத்தப்பட்டு வருகின்றன.
கொழும்பு சைபர் குற்றப் பிரிவு, கொழும்பு பிரதான நீதவானிடம் இதனைத் தெரிவித்துள்ளது.
இந்தநிலையில்,நைஜீரிய நாட்டவரால் மோசடியாகப் பெறப்பட்ட பணத்தை, மீளப்பெறலுக்காக வங்கிக் கணக்குகளை வழங்கியதாகக் கூறப்படும் இரண்டு சந்தேக நபர்கள் கைது செய்யப்பட்டு நீதிமன்றத்தில் முன்னிலைப்படுத்தப்பட்டனர்.
எனினும், நைஜீரிய நபர்,வெளிநாட்டில் உள்ள தனது பெற்றோரிடமிருந்து பணத்தைப் பெற்றுக் கொள்வதற்காகவே குறித்த இருவரின் வங்கிக் கணக்குகளையும் பயன்படுத்தினார் என்று சந்தேகநபர்களின் சட்டத்தரணிகள் மன்றில் தெரிவித்தனர்.
இதன்படி, வங்கிக் கணக்குகளுக்குள் ஊடுருவி நிதியைப் பெற்ற முக்கிய குற்றவாளி நைஜீரிய நாட்டவர் என்பதை அவர் வலியுறுத்தினர்.
அனைத்து சமர்ப்பிப்புகளையும் பரிசீலித்த பிறகு, பிரதான நீதிவான், அசங்க எஸ் போதரகம, இரண்டு சந்தேகநபர்களையும் பிணையில் செல்ல உத்தரவிட்டார்.
அத்துடன், முக்கிய குற்றவாளியாக அடையாளம் காணப்பட்ட நைஜீரிய சந்தேகநபரை கைது செய்யுமாறும் நீதவான் உத்தரவிட்டார்.
