-மூதூர் நிருபர்-
மத்திய அரசாங்கத்தின் நிதி உதவியுடன் 20 இலட்சம் ரூபாய் நிதியில் மூதூர் பொது நூலகத்திற்கு வழங்கப்பட்டுள்ள டிஜிட்டல் உபகரணங்கள் இன்று செவ்வாய்க்கிழமை கையளிக்கப்பட்டன.
மூதூர் பிரதேச சபையின் தவிசாளர் எஸ்.பிரகலாதனால் மூதூர் பொது நூலக பொறுப்பதிகாரியிடம் இவ் உபகரணங்கள் இவ்வாறு கையளிக்கப்பட்டன.
இதில் டிஜிட்டல் திரை தொலைக்காட்சி,மடிக்கணினிகள்,தளபாடங்கள்,ஒலிபெருக்கி உபகரணங்கள் என பல உபகரணங்கள் உள்ளடங்குகின்றன.
இவ் உபகரணங்கள் மூலம் பாடசாலை மாணவர்கள்,பொதுமக்கள் உள்ளிட்டோர் மூதூர் பொது நூலகத்தை பயன்படுத்தி நன்மையடைய முடியும் என தெரிவிக்கப்படுகிறது.
இந்நிகழ்வில் மூதூர் பிரதேச சபையின் செயலாளர், மூதூர் பொது நூலக உத்தியோகத்தர்கள், அபிவிருத்தி உத்தியோகத்தர்கள் என பலரும் கலந்து கொண்டமை குறிப்பிடத்தக்கது.
