மட்டக்களப்பு கொக்குவில் பொலிஸ் பிரிவிற்குட்பட்ட பாலமீன்மடு முகத்துவாரம் பகுதியில் இன்று வெள்ளிக்கிழமை படகு கவிழ்ந்ததில் மீனவர் ஒருவர் பலியாகியுள்ளதாக கொக்குவில் பொலிஸார் தெரிவித்தனர்.
மீன்பிடி நடவடிக்கைக்காக நேற்று இரவு படகு மூலம் கடலுக்கு சென்ற இரண்டு மீனவர்கள் காலை 6 மணியளவில் கரைக்கு திரும்பும் போது முகத்துவாரப் பகுதியில் படகு கவிழ்ந்து விபத்துக்குள்ளானதில் ஒருவர் காப்பாற்றப்பட்டுள்ள நிலையில் மற்றயவரை தேடும் நடவடிக்கையில் சக மீனவர்கள் ஈடுபட்டுள்ளனர்.
இந் நிலையில் காணாமல் போன மற்றய மீனவர் இன்று காலை இவ்வாறு சடலமாக மீட்கப்பட்டுள்ளார்.
படகு விபத்தில் திராய்மடுவைச் சேர்ந்த 2 பிள்ளைகளின் தந்தையான கோடீஸ்வரன் வேணுராஜ் (வயது – 34) என்ற நபரே சடலமாக மீட்கப்பட்டுள்ளார்.
விபத்து தொடர்பான மேலதிக விசாரணைகளை கொக்குவில் பொலிஸார் மேற்கொண்டு வருகின்றனர்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
