மட்டக்களப்பு மறைமாவட்டத்தில் அமையப் பெற்றுள்ள குருக்கள்மடம் தூய பிரான்சிஸ் அசீசியார் ஆலய திருவிழா திருப்பலியானது நேற்று ஞாயிற்றுக்கிழமை காலை 7:30 மணிக்கு பங்குத்தந்தை அருட்பணி ஹர்சதன் ரிச்சர்ட்சன் அடிகளாரின் ஒழுங்கமைப்பில் நடைபெற்றது.
கடந்த 9 நாட்கள் மாலை வழிபாடுகள் இறைமக்களை தயார்படுத்தும் வண்ணம் ஒவ்வொரு நாளும் ஒவ்வொரு கருப்பொருளை மையப்படுத்தியதாக இறைமக்களுக்கு அருட்பணியாளர்களினால் சிந்தனைகள் வழங்கப்பட்டது.
அதனை தொடர்ந்து சனிக்கிழமை மாலை வேஸ்பர் நற்கருணை ஆராதனை வழிபாடும் இடம் பெற்றது.
திருவிழா திருப்பலியினை அருட்தந்தை A.நவரெட்ணம் அடிகளாரும் அருட்தந்தை அன்ரன் டெறன்ஸ் றாகல் அருட்தந்தை A.தேவதாசன் தலைமைதாங்க பங்குத்தந்தை ஹர்சதன் ரிச்சர்ட்சன் அடிகளாரும் இனைந்து திருப்பலியினை ஒப்புக்கொடுத்து இறைவேண்டுதல் செய்திருந்தார்கள்.
திருப்பலி நிறைவில் தூய பிரான்சிஸ் அசீசியார் திருச்சுருப பவனி ஆலயத்தை சுற்றி பவனியாக எடுத்துவரப்பட்டதுடன் தூய பிரான்சிஸ் அசீசியார் புகழ்பாக்கள் இசைக்கப்பட்டு கவிகள் இசைக்கப்பட்டு இறுதி செபத்துடன் தூய பிரான்சிஸ் அசீசியார் திருச்சுருப ஆசீரை பங்குத்தந்தை அருட்பணி ஹர்சதன் ரிச்சர்ட்சன் இறைமக்களுக்கு வழங்கி வைத்தார்.
அத்தோடு பங்குத்தந்தை அவர்களினாலும், திருவிழா சிறப்பாக அமைய சகல வழிகளிலும் உதவிகளை மேற்கொண்ட அனைவருக்கும் நன்றிகளையும் பாராட்டுக்களையும் தெரிவித்திருந்ததோடு, திருவிழா வாழ்த்துக்களையும் பகிர்ந்து கொண்டமை குறிப்பிடத்தக்கது.
