-யாழ் நிருபர்-
நீர்த்தேக்கத்தில் வீழ்ந்த பென்சிலை எடுக்க முயன்ற மூன்றரை வயது குழந்தை ஒன்று உயிரிழந்துள்ளது.
குறித்த சம்பவம் யாழ்ப்பாணம் பருத்தித்துறை – திருமால்புரம் வல்லிபுரம் பகுதியில் இன்று வியாழக்கிழமை பிற்பகல் இடம்பெற்றுள்ளது.
இதில் ரஜீவன் சுஜீ என்கின்ற குழந்தையே உயிரிழந்துள்ளது.
குறித்த குழந்தை தனது கையில் பென்சில் ஒன்றுடன் சென்றுகொண்டிருந்தபோது, அது தவறி நீர்தேக்கத்தில் வீழ்ந்துள்ளது.
அதனை எடுப்பதற்காக குறித்த நீர்த் தேக்கத்தில் இறங்கியவேளை, குழந்தை நீரில் மூழ்கியது.
குழந்தையை மீட்டு, பருத்தித்துறை ஆதார வைத்தியசாலைக்கு கொண்டு செல்லப்பட்டவேளை, குழந்தை ஏற்கனவே இறந்துள்ளதாக மருத்துவர்கள் தெரிவித்தனர்.
இது தொடர்பான விசாரணைகளை பருத்தித்துறை பொலிஸார் மேற்கொண்டு வருகின்றனர்.
சடலம் தற்போது பிரேத பரிசோதனைக்காக பருத்தித்துறை ஆதார வைத்தியசாலையில் வைக்கப்பட்டுள்ளது.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
