-பதுளை நிருபர்-
பதுளை எல்ல பகுதியில் புகையிரதத்தற்கு முன்னால் செல்ஃபி புகைப்படம் எடுக்க முயன்ற நபர் புகையிரதத்தில் மோதுண்டு பலத்த காயமடைந்த நிலையில் வைத்தியசாலையில் அனுமதிக்கப்பட்டுள்ளதாக எல்ல பொலிஸார் தெரிவித்தனர்.
கொழும்பு – கொலன்னாவை பகுதியை சேர்ந்த 26 வயதுடைய இளைஞர் ஒருவரே இதன் போது காயமடைந்துள்ளார்.
எல்ல ஒன்பது வளைவு புகையிரத பாலத்திற்கு முன் நேற்றைய தினம் ஞாயிற்றுக்கிழமை புகையிரதம் வந்து கொண்டிருந்த வேளையில் தனது கையடக்க தொலைபேசியில் செல்ஃபி எடுக்க முற்பட்ட போதே இந்த விபத்து இடம்பெற்றுள்ளது.
இவ்வாறு புகையிரதத்தில் மோதுண்டு பலத்த காயமடைந்த நிலையில் குறித்த நபர் தெமோதர வைத்தியசாலையில் அனுமதிக்கப்பட்டதன் பின்னர் மேலதிக சிகிச்சைகளுக்காக பதுளை வைத்தியசாலைக்கு மாற்றப்பட்டு அங்கு சிகிச்சை பெற்று வருவதாக பொலிஸார் தெரிவித்தனர்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
