-யாழ் நிருபர்-
யாழ்.தென்மராட்சி சாவகச்சேரிப் பொலிஸ் பிரிவிற்குட்பட்ட கைதடிச் சந்திக்கு அருகாமையில் அமைந்துள்ள பல்பொருள் அங்காடி ஒன்றினை உடைத்து உள்நுழைந்த திருடர்கள் அங்கிருந்த பணம் மற்றும் பெறுமதியான பொருட்களை கொள்ளையிட்டுச் சென்றிருப்பதாக தெரிவிக்கப்படுகிறது.
கடந்த வெள்ளிக்கிழமை இரவு குறித்த பல்பொருள் அங்காடியின் மேற்கூரை வழியாக உள்நுழைந்த திருடர்கள், மூன்று இலட்சம் ரூபாய் பணம், குளிர்பான வகைகள் மற்றும் பால் மா பைக்கற்களை திருடிச் சென்றிருப்பதாக தெரிவிக்கப்படுகிறது.
மேற்படி திருட்டுக் காட்சி அங்கிருந்த பாதுகாப்புக் கமராவில் பதிவாகியுள்ள நிலையில், சாவகச்சேரிப் பொலிஸார் மேலதிக விசாரணைகளை முன்னெடுத்து வருகின்றனர்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
