குளியாப்பிட்டி தொழில்நுட்பக் கல்லூரியைச் சேர்ந்த ஒரு மாணவி, கடுமையான பகிடிவதைக்கு உள்ளான நிலையில் மனஅழுத்தத்தில் ஏரியில் தற்கொலை செய்து கொள்வதற்காக ஏரியில் குதித்த நிலையில், உள்ளூர்வாசிகளால் மீட்கப்பட்டுள்ளார்.
இந்த சம்பவத்தில் பாதிக்கப்பட்ட மாணவி சிகிச்சைக்காக குளியாப்பிட்டி மருத்துவமனையில் அனுமதிக்கப்பட்டுள்ளார்.
கல்லூரியில் தான் கடுமையான மற்றும் துஷ்பிரயோக பகிடிவதைக்கு ஆளானதால் இந்த முடிவை எடுத்ததாக மாணவி பொலிசாரிடம் தெரிவித்துள்ளார்.
சம்பவம் தொடர்பாக கல்லூரி நிறுவனத்தால் உள்ளக விசாரணை தொடங்கப்பட்டுள்ளது, மேலும் இச்சம்பவம் தொடர்பில் நான்கு மாணவர்கள் கைது செய்யப்பட்டுள்ளனர்.
சந்தேக நபர்கள் பகிடிவதை தொடர்புடைய குற்றச்சாட்டுகளின் பேரில் குளியாப்பிட்டி மாஜிஸ்திரேட் நீதிமன்றத்தில் ஆஜர்படுத்தப்படுவார்கள்.
