இந்திய – பத்ராத்ரி கொத்தகுடெம் மாவட்டத்தில் காவல்துறையினருடன் நடந்த துப்பாக்கிச் சூட்டில் 6 மாவோயிஸ்டுகள் கொல்லப்பட்டதாக இந்திய செய்திகள் தெரிவிக்கின்றன.
இந்த துப்பாக்கிச் சூட்டு சம்பவத்தின் போது இரண்டு பாதுகாப்புப் படையினர் காயமடைந்து அவர்களில் ஒருவர் ஆபத்தான நிலையில் சிகிச்சை பெற்று வருவதாக பொலிஸார் தெரிவித்துள்ளனர்.
ஏற்கனவே, சத்தீஸ்கர் மாநிலத்தின் தண்டேவாடா மாவட்டத்தில் நேற்று முன்தினம் புதன்கிழமை பாதுகாப்புப் படையினருடன் நடந்த துப்பாக்கிச் சூட்டில் ஒன்பது மாவோயிஸ்டுகள் கொல்லப்பட்டனர்.
இந்நிலையில் மாவோயிஸ்டுகளுக்கு எதிரான சமீபத்திய வெற்றிக்காக பாதுகாப்புப் படைகளைப் பாராட்டிய சத்தீஸ்கர் மாநில முதலமைச்சர் விஷ்ணு தியோ சாய், 2026 மார்ச் மாதத்திற்குள் இடதுசாரி தீவிரவாதத்தை முடிவுக்குக் கொண்டுவர தனது அரசாங்கம் தீர்மானித்துள்ளதாக தெரிவித்துள்ளமை குறிப்பிடத்தக்கது.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
