ரஷ்ய ஜனாதிபதி விளாடிமிர் புடினின் உத்தியோகப்பூர்வ சொகுசு வாகனம் தீப்பிடித்து எரிந்துள்ளது.
மொஸ்கோவிலுள்ள பெடரல் பாதுகாப்பு சேவை தலைமையகத்திற்கு அருகில் இந்த சம்பவம் இடம்பெற்றுள்ளது.
ரஷ்ய ஜனாதிபதியின் பாதுகாப்பு தொடர்பில் மிகவும் அச்சத்தை ஏற்படுத்தியுள்ளதாகச் சர்வதேச ஊடகங்கள் செய்தி வெளியிட்டுள்ளன. இந்த காரின் மதிப்பு 3,55,796 டொலர் எனக் கூறப்படுகிறது.
காரின் இயந்திரத்தில் முதலில் தீ விபத்து ஏற்பட்ட நிலையில், பிறகு அது மெல்ல உட்புறம் வரை பரவியுள்ளது.
இந்த கார் ரஷ்ய ஜனாதிபதி மாளிகையின் ஜனாதிபதி சொத்து முகாமைத் துறைக்குச் சொந்தமானது என்று கூறப்படுகிறது.
கார் திடீரென வெடித்துச் சிதறக் காரணம் என்ன, இதன் போது உள்ளே யாராவது இருந்தார்களா என்பது தொடர்பான தகவல்கள் ஏதும் இதுவரை வெளியாகவில்லை.
இந்த சம்பவம் தொடர்பான மேலதிக விசாரணைகளை மேற்கொண்டு வருவதாகச் சர்வதேச ஊடகங்கள் செய்தி வெளியிட்டுள்ளன.
இதேவேளை அண்மையில் ஐரோப்பிய ஊடகவியலாளர்களுடன் இடம்பெற்ற சந்திப்பொன்றின் போது ரஷ்யா ஜனாதிபதி இறந்துவிடுவார் என யுக்ரேன் ஜனாதிபதி கூறியிருந்தமை குறிப்பிடத்தக்கது.
