பெண்ணொருவர் தனது 6 குழந்தைகளை கிணற்றில் வீசி கொலை செய்துள்ளார்.
இச்சம்பவம் மகாராஷ்டிரா மாநிலம், ராய்காட் மாவட்டம், மஹாத் தாலுகாவில் உள்ள காரவலி கிராமம் இடம்பெற்றுள்ளது.
குறித்த பகுதியை சேர்ந்த 30 வயதான பெண் ஒருவர், அங்குள்ள கிணற்றுக்குள் தனது 6 குழந்தைகளை அடுத்தடுத்து வீசி எறிந்துள்ளதாக இந்திய செய்திகள் தெரிவிக்கின்றன.
குழந்தைகளின் அலறல் சத்தம் கேட்ட அயலவர்கள் பொலிஸாருக்கு தகவல் வழங்கியுள்ளனர்.
உடனடியாக விரைந்து சென்ற பொலிஸார் கிணற்றுக்குள் கிடந்த குழந்தைகளை மீட்ட போது, குழந்தைகள் உயிரிழந்தது தெரிய வந்துள்ளது.
நீரில் மூழ்கியவர்களில் 18 மாதமே ஆன பச்சிளம் குழந்தை உட்பட 10 வயதுக்கு உட்பட்ட ஐந்து பெண் குழந்தைகளும் அடங்குவதாக தெரிவிக்கப்படுகின்றது.
அதனைத் தொடர்ந்து, குறித்த பெண்ணை கைது செய்த பொலிஸார் விசாரணை மேற்கொண்டனர்.
குடும்ப தகராறு காரணமாக அந்த பெண்ணை அவரது கணவர் வீட்டை சேர்ந்தவர்கள் தாக்கியுள்ளனர்
இதனால் வெறுப்படைந்த அவர், பெற்ற தனது குழந்தைகளை கிணற்றில் தள்ளி கொலை செய்துள்ளமை விசாரணையில் தெரிய வந்துள்ளது.
பொலிஸார் மேலதிக விசாரணைகளை முன்னெடுத்துள்ளதாக தெரிவிக்கப்படுகின்றது.
