ஜனாதிபதி AKD அனுப்பிய வாழ்த்து கடிதத்தை பகிர்ந்த உக்ரைன் ஜனாதிபதி

உக்ரைன் சுதந்திர தினத்திற்கு இலங்கை தெரிவித்த வாழ்த்துக்களுக்கு, இலங்கை ஜனாதிபதி அனுர குமார திசாநாயக்கவுக்கு, உக்ரைன் ஜனாதிபதி வோலோடிமிர் ஜெலென்ஸ்கி நன்றி தெரிவித்துள்ளார்.

“பரஸ்பர மரியாதை, அமைதி மற்றும் செழிப்புக்கான பகிரப்பட்ட அர்ப்பணிப்பின் அடிப்படையில், இலங்கையுடனான நட்புறவு மற்றும் ஒத்துழைப்பை உக்ரைன் மதிக்கிறது” என்று ஜனாதிபதி வோலோடிமிர் ஜெலென்ஸ்கி தனது X தளத்தில் பதிவிட்டுள்ளார்.

“எங்கள் உறவுகள் மேலும் வளர்ச்சிக்கும், இரு நாடுகளுக்கும் நன்மைகளைத் தரும் திறனுக்கும் சாத்தியம் இருப்பதாக நாங்கள் நம்புகிறோம் ” என்று அவர் மேலும் குறிப்பிட்டுள்ளார்.

உக்ரைனின் சுதந்திர தின வாழ்த்துக்களைத் தெரிவித்து, உக்ரைன் அதிபர் முகவரிக்கு இலங்கை அனுப்பிய கடிதத்தில், இரு நாடுகளுக்கும் இடையிலான நீண்டகால நட்புறவு மற்றும் ஒத்துழைப்பு, அவர்களின் மக்களின் அமைதி, முன்னேற்றம் மற்றும் செழிப்பு ஆகியவை குறித்து, ஜனாதிபதி அனுர குமார திசாநாயக்க நம்பிக்கை தெரிவித்தார்.

“உக்ரைன் தற்போது எதிர்கொள்ளும் சவால்கள் மற்றும் கஷ்டங்கள் விரைவில் தீர்க்கப்பட்டு, நாட்டின் அமைதி, நல்லிணக்கம் மற்றும் ஸ்திரத்தன்மையை மீட்டெடுக்கும் என்பது எனது மனமார்ந்த நம்பிக்கை” என்று ஜனாதிபதி அனுர குமார திசாநாயக்க அக்கடிதத்தில் மேலும் தெரிவித்திருந்தார்.