செம்மணி – சித்துப்பாத்தி மனித புதைகுழியில் இருந்து இன்றைய தினம் 6 மனித என்புக்கூட்டு தொகுதிகள் முற்றாக அகழ்ந்து எடுக்கப்பட்டுள்ளதுடன், மேலும் 10 மனித என்புக்கூடுகள் கண்டுபிடிக்கப்பட்டுள்ளன.
சித்துப்பாத்தி மனித புதைகுழியின் இரண்டாம் கட்டத்தின் மூன்றாம் பகுதி அகழ்வு பணிகள் கடந்த திங்கட்கிழமை ஆரம்பிக்கப்பட்ட நிலையில் இன்றைய தினம் ஆறாவது நாளாகவும் முன்னெடுக்கப்பட்டது.
இதேநேரம் மனித புதைகுழியின் இரண்டாம் கட்ட அகழ்வு பணிகளுக்காக நீதிமன்றம் 45 நாள்கள் அனுமதி வழங்கியுள்ள நிலையில், இன்றைய தினம் 38 ஆவது நாளாகவும் அகழ்வு பணி முன்னெடுக்கப்பட்டது.
சித்துப்பாத்தி மனித புதைகுழிகளில் கட்டம் கட்டமாக இதுவரையில் மொத்தமாக 47 நாள்கள் முன்னெடுக்கப்பட்ட அகழ்வு பணிகளின் போது, இன்றைய தினம் அகழ்ந்து எடுக்கப்பட்ட 6 என்புக்கூட்டு தொகுதியுடன் இதுவரையில் 181 என்பு கூட்டு தொகுதிகள் முற்றாக அகழ்ந்து எடுக்கப்பட்டுள்ளன.
மொத்தமாக இதுவரையில் 197 மனித என்புக்கூட்டு தொகுதிகள் கண்டுபிடிக்கப்பட்டுள்ளன.
