சுவிட்சர்லாந்தில் சுவைஸ் மாநிலத்தில் இன்று அதிகாலை அதிவேக நெடுஞ்சாலை சுரங்கப்பாதையில் இடம்பெற்ற வாகன விபத்தில் ஐவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர்.
23 வயது கார் ஓட்டுநர் ஒருவர் புருன்னனில் இருந்து ஏ4 நெடுஞ்சாலையில் ஃப்ளூலென் நோக்கிச் சென்று கொண்டிருந்த போது , எதிர் திசையில் 18 மற்றும் 21 வயதுக்குட்பட்ட மூன்று பயணிகளுடன் 20 வயது கார் ஓட்டுநருடன் பயணித்த காரும் நேருக்கு நேர் மோதியதில் இந்த விபத்து இன்று அதிகாலை 3:30 மணியளவில் இடம்பெற்றுள்ளதாக பொலிசார் தெரிவித்துள்ளனர்.
மோசி சுரங்கப்பாதையில் இடம்பெற்ற விபத்துக்கான காரணங்கள் கண்டறியப்படவில்லை, இரு கார் ஓட்டுனர்களிடம் இருந்தும் இரத்தம் மற்றும் சிறுநீர் மாதிரிகளை பெற்று விபத்திற்கான காரணத்தை கண்டறிய உத்தரவிடப்பட்டுள்ளது.
விபத்த காரணமாக சுமார் 3 மணி நேரம் போக்குவரத்து தடைசெய்யப்பட்டிருந்தது.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
