சுவிட்சர்லாந்தின் வின்டர்தூர் பகுதியில் கோகோயினை எடுத்துச் சென்ற இரு ஆண்களை பொலிசார் சோதனை செய்ததை அடுத்து இவர்களிடம் மேற்கொள்ளப்பட்ட விசாரணைகளின் பின்னர் பல்வேறு போதைப்பொருட்கள், பணம் மற்றும் பல ஆயுதங்கள் மீட்கப்பட்டுள்ளன.
சனிக்கிழமை மாலை நள்ளிரவுக்கு வின்டர்தூர் நகர பொலிசார் 52 வயது சுவிஸ் நபரை பிரதான ரயில் நிலையம் அருகே தடுத்து நிறுத்தி சோதனைக்கு உட்படுத்திய போது ஒரு சிறிய அளவு கோகோயின் மற்றும் 500 பிராங்குகளுக்கு மேல் பணம் பறிமுதல் செய்யப்பட்டதுடன் குறித்த நபர் கைது செய்யப்பட்டுள்ளார்.
இதையடுத்து கோகோயின் எடுத்துச் சென்ற 39 வயது சுவிஸ் நபரை சோதனை செய்த போது , அதைத் தொடர்ந்து நடத்தப்பட்ட விசாரணைகளில், முன்னர் கைது செய்யப்பட்ட 52 வயது நபர், 39 வயது நபருக்கு போதைப்பொருள் விநியோகஸ்தர்களாக செயல்பட்டதாகக் தெரியவந்துள்ளது.
இதையடுத்து 53 வயது சுவிஸ் நபருடன் ஒரு அடுக்குமாடி குடியிருப்பில் வசிக்கும் 52 வயது சந்தேக நபரின் வீட்டைச் சோதனையிட அரசு வழக்கறிஞர் அலுவலகம் உத்தரவிட்டது.
வீட்டை சோதனையின் போது, அதிகாரிகள்; இரண்டு தளங்களுக்கு மேல் பரந்து விரிந்திருந்த ஒரு சிறிய தொழில் ரீதியாக இயக்கப்பட்டு வந்து உட்புற போதைப்பொருள் தொழிச்சாலையை கண்டுபிடித்தனர்.
குறித்த பகுதியில் இருந்து சுமார் இரண்டு கிலோகிராம் கஞ்சா, சுமார் 150 கிராம் ஹாஷிஷ், பல பகுதி கோகோயின் மற்றும் 1,500 பிராங்குகளுக்கு மேல் ரொக்கம் பறிமுதல் செய்யப்பட்டன.
மேலதிக தேடுதலின் போது ஒன்பது எரிவாயு மூலம் இயங்கும் ஆயுதங்களைக் கண்டுபிடித்தனர்.
மேலும் விசாரணைகளை வின்டர்தூர் நகர காவல்துறை, அரசு வழக்கறிஞர் அலுவலகத்துடன் இணைந்து மேற்கொண்டு வருகின்றனர்.
