சர்க்கரை நோயாளிகள் பால் குடிக்கலாமா
சர்க்கரை நோயாளிகள் பால் குடிக்கலாமா
சர்க்கரை நோயாளிகள் பால் குடிக்கலாமா
🔷சர்க்கரை நோய் உள்ளவர்களுக்கு, ரத்தத்தில் உள்ள சர்க்கரையின் அளவை கட்டுக்குள் வைத்திருப்பது மிகப்பெரிய போராட்டமாகும். நிபுணர்களின் கூற்றுப்படி, நீண்ட காலத்திற்கு உங்கள் ஆரோக்கியம் மற்றும் நல்வாழ்வைக் பாதுகாக்க உணவுப் பழக்கவழக்கங்களில் மாற்றம் செய்வது அவசியமாகும். சர்க்கரை நோய் என்பது உணவில் மிகுந்த கவனம் தேவைப்படும் ஒரு நோயாகும். சாப்பிடுவதில் சிறிது கவனக்குறைவு இருந்தாலும் ரத்தத்தில் சர்க்கரையின் அளவு அதிகரிக்கும்.
🔷சர்க்கரை நோயாளிகள் குறைந்த கொழுப்புள்ள உணவுகளை மட்டுமே சாப்பிட வேண்டும். இரத்தத்தில் சர்க்கரை அதிகரிப்பதைத் தடுக்க மருத்துவர்கள் எப்போதும் குறைந்த கொழுப்பு மற்றும் அதிக நார்ச்சத்து போன்ற சமச்சீரான உணவைப் பரிந்துரைக்கிறார்கள். இருப்பினும் பெரும்பாலான சர்க்கரை நோயாளிகள் பால் குடிக்கலாமா, வேண்டாமா என்ற குழப்பத்தில் இருக்கிறார்கள். அதை பற்றி இப்பதிவில் பார்ப்போம்.
🔷பெரும்பாலான மக்கள் தங்கள் அன்றாட உணவின் ஒரு பகுதியாக பால் குடிக்கிறார்கள். பாலில் கால்சியம், ப்ரோடீன் மற்றும் வைட்டமின் டி ஆகியவை நிறைந்துள்ளது, அவை எலும்புகளை வலுப்படுத்த உதவும் ஆரோக்கியமான உணவாகக் கூறப்படுகிறது. இருப்பினும் பாலில், இரத்தத்தில் சர்க்கரை அளவை அதிகரிக்கக்கூடிய கொழுப்புகள் இருப்பதாகவும் நம்பப்படுகிறது.
🔷உயர் இரத்த சர்க்கரை அளவு நோயாளிகளுக்கு பால் பரிந்துரைக்கப்படுகிறதா? பாலில் அதிக கொழுப்பு உள்ளது. இருப்பினும், பால் ஆனது சர்க்கரை நோயை ஏற்படுத்தும் அல்லது மோசமாக்கும் என்பதற்கு எந்த ஆதாரமும் இல்லை. இருப்பினும், அதிகப்படியான கொழுப்பு தீங்கு விளைவிக்கும் மற்றும் சர்க்கரை நோயாளிகளுக்கு பிரச்சினைகளை ஏற்படுத்தும். பல சர்க்கரை நோயாளிகளுக்கு எலும்பு முறிவு போன்ற பிரச்சனைகள் ஏற்படுகிறது, எனவே கால்சியம் அதிகம் உள்ள உணவுகளை எடுத்துக்கொள்வது உங்கள் எலும்புகளை வலுவாக வைத்திருக்க உதவுகிறது. இதற்கு ஒரே வழி தினமும் பால் குடிப்பது ஆகும்.
🔷சர்க்கரை நோயாளிகளுக்கு ப்ரோடீன் மிகவும் முக்கியமானது, ஏனெனில் இது இரத்த சர்க்கரை அளவை கட்டுப்படுத்த உதவுகிறது. ப்ரோடீன் நிறைந்த பாலில் ஒன்பது அத்தியாவசிய அமினோ ஆசிட்கள் உள்ளன. எனவே உங்கள் உணவு அல்லது சிற்றுண்டியில் பாலை சேர்க்க மருத்துவர்கள் பரிந்துரைக்கின்றனர், மேலும் ஆரோக்கியமற்ற சிற்றுண்டியில் பால் சேர்ப்பதை தவிர்க்கவும் பரிந்துரைக்கின்றனர், இது எடை குறைப்புக்கு நன்மை அளிக்கும் மற்றும் நீரிழிவை கட்டுக்குள் வைக்கும்.
🔷பாலை எப்படி பாதுகாப்பாக உணவில் சேர்ப்பது? உங்கள் இரத்த சர்க்கரை அளவை கட்டுப்படுத்த உங்கள் உணவில் கால்சியம் நிறைந்த பாலை சேர்க்கலாம். மருத்துவர்களின் கூற்றுப்படி, கார்போஹைட்ரேட் குறைவாக உள்ள பாலை தேர்வு செய்ய வேண்டும் என்று பரிந்துரைக்கின்றனர். முழு பாலில் அதிக நிறைவுற்ற கொழுப்பு இருப்பதால், இதய நோய் பிரச்சனைகளுக்கு வழிவகுக்கும், எனவே குறைந்த கொழுப்பு அல்லது கொழுப்பு நீக்கப்பட்ட பாலை தேர்வு செய்வது சிறந்ததாகும்.
சர்க்கரை நோயாளிகள் பால் குடிக்கலாமா
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
