பியகம காவல் பிரிவிற்குட்பட்ட கெமுனு மாவத்தை பகுதியில் நபர் ஒருவர் கூரிய ஆயுதத்தால் தாக்கி கொலை செய்யப்பட்ட சம்பவம் தொடர்பில் பியகம காவல்துறையினர் விசாரணைகளை ஆரம்பித்துள்ளனர்.
நேற்று வெள்ளிக்கிழமை இரவு இந்தக் கொலை சம்பவம் இடம்பெற்றுள்ளதாக காவல்துறையினர் தெரிவித்தனர்.
உயிரிழந்தவர் ஹோமாகம பகுதியைச் சேர்ந்த (வயது 30) இளைஞர் என்றும், அவர் வேலை நிமித்தமாக பியகம பகுதியில் வாடகைக்கு எடுக்கப்பட்ட அறையில் தங்கியிருந்தார் என்றும் காவல்துறையினர் தெரிவித்தனர்.
உயிரிழந்தவர் தங்கியிருந்த அறையின் முன் நிறுத்தப்பட்டிருந்த தனது முச்சக்கர வண்டி தீப்பிடித்து எரிவதைக் கண்டு அறையிலிருந்து வெளியே வந்ததாக தெரிவிக்கப்படுகிறது.
பின்னர் முகமூடி அணிந்த இருவர் அந்த இடத்தைக் காவல் காத்துக்கொண்டிருந்த நிலையில், கூர்மையான ஆயுதங்களால் தாக்கிவிட்டு தப்பிச் சென்றுள்ளதாக ஆரம்பகட்ட விசாரணைகளில் தெரியவந்துள்ளது.
தாக்குதலில் பலத்த காயமடைந்த இளைஞர் முல்லேரியாவ மருத்துவமனையில் அனுமதிக்கப்பட்ட பின்னர் உயிரிழந்ததாக காவல்துறையினர் தெரிவித்துள்ளனர்.
