நோர்வூட் பொலிஸ் பிரிவுக்குட்பட்ட ஓல்டன் தேயிலைத் தோட்டத்தில் தோட்டத் தொழிலாளி ஒருவர் குளவி கொட்டியதில் உயிரிழந்துள்ளார்.
உயிரிழந்தவர் நோர்வூட், ஓல்டன் தோட்டத்தின் கிங் கோரா பிரிவில் வசிக்கும் 36 வயதுடையவர் என தெரிவிக்கப்பட்டுள்ளது.
தேயிலைத் தோட்டத்தில் உள்ள தனது வீட்டிற்கு குடிநீர் வழங்கும் உடைந்த குழாயை சரிசெய்யச் சென்றபோது அந்த நபர் தாக்கப்பட்டுள்ளார்.
சடலம் பிரேத பரிசோதனைக்காக டிக்கோயா ஆதார மருத்துவமனையில் உள்ள மருத்துவ பரிசோதகர் அலுவலகத்திற்கு அனுப்பப்பட்டுள்ளது.
சம்பவம் தொடர்பான மேலதிக விசாரணைகளை நோர்வூட் பொலிஸார் முன்னெடுத்துள்ளனர்.
