கொழும்பு பல்கலைக்கழகத்தின் மூத்த விரிவுரையாளரான வைத்தியகலாநிதி ஜானகி டி ஜெயவர்தன, நேற்று வெள்ளிக்கிழமை கொஹுவலவில் நடந்த ஒரு கார் விபத்தில் பரிதாபமாக உயிரிழந்ததாக, பொலிஸார் உறுதிப்படுத்தினர்.
சுமனாராம வீதியில் நிறுத்தப்பட்டிருந்த அவரது காரை, அவரது மகன் ஸ்டார்ட் செய்ய முற்பட்டார்
காரை ஸ்டார்ட் செய்ய முயன்றபோது, வைத்தியகலாநிதி ஜெயவர்தன காரின் முன் சில்லின் கீழ் அணையாக வைக்கப்பட்டிருந்த கல்லை அகற்ற முயன்றார்.
இருப்பினும், வாகனம் ஒரு சரிவில் நிறுத்தப்பட்டிருந்ததால், அது எதிர்பாராத விதமாக முன்னோக்கி நகர்ந்து அவர் மீது மோதியது.
அவர் கலுபோவில மருத்துவமனைக்கு கொண்டு செல்லப்பட்டார், எனினும் சிகிச்சை பலனின்றி உயிரிழந்தார்.
கல் அகற்றப்பட்ட போதிலும், அவரால் சரியான நேரத்தில் நகர முடியாமல் போனதால், இந்த விபத்து ஏற்பட்டது என்று விசாரணையில் தெரியவந்துள்ளது.
சம்பவம் குறித்து கொஹுவல பொலிஸார் விசாரணைகளை மேற்கொண்டு வருகின்றனர்.
