நேற்று முன்தினம் (06) முதல் காணாமல் போன மூன்று குழந்தைகளின் தந்தை இன்று வெள்ளிக்கிழமை சடலமாக மீட்கப்பட்டுள்ளார்.
இந்த சம்பவம் மஸ்கெலியா பிரதேச சபைக்கு உட்பட்ட புரவுன்லோ தோட்டத்தில் இடம்பெற்றுள்ளது.
மஸ்கெலியா பொலிஸ் பிரிவில் உள்ள புரவுன்லோ தோட்டத்தைச் சேர்ந்த வேலு மருதமுத்து 55 வயதான இவர் கடந்த 3 நாட்களாக காணாமல் போயுள்ளதாக அவரது மகன் மஸ்கெலியா பொலிஸ் நிலையத்தில் முறைப்பாடு ஒன்றை பதிவு செய்து உள்ளார்.
அதனைத் தொடர்ந்து மவுஸ்சாகலை நீர்த்தேக்கத்தில் இன்று வெள்ளிக்கிழமை மஸ்கெலியா மவுஸ்சாகலை நீர்த்தேக்கத்தில் இருந்து சடலமாக மீட்கப்பட்டுள்ளார்.
உடலம் மஸ்கெலியா மாவட்ட வைத்தியசாலையில் வைக்கப்பட்டு உடற்கூற்று பரிசோதனையின் பின்னர் உறவினர்களிடம் ஒப்படைக்கப்படும்.
இந்த சம்பவம் தொடர்பான மேலதிக விசாரணைகளை மஸ்கெலியா பொலிஸார் முன்னெடுத்துள்ளனர்.
