கள்ளக்காதலனுடன் மனைவி ஓட்டம்: நண்பர்களுக்கு விருந்து கொடுத்து கொண்டாடிய கணவர்
இந்தியாவில் மனைவி கள்ளகாதலனுடன் சென்ற துக்கத்தை மறக்க நண்பர்களுக்கு பிரியாணி, மதுபானத்துடன் விருந்து கொடுத்து நடனமாடிய காணொளி இணையத்தில் வைரலாகி வருகின்றது.
கேரளா மாநிலம் கோழிக்கோட்டு வரகரையை சேர்ந்தவர் 40 வயது நபரே இவ்வாறு விருந்து கொடுத்து கொடுத்துள்ளார்.
குறித்த நபருக்கு திருமணமாகி மனைவி மகிழ்ச்சியாக வாழ்ந்து வந்த நிலையில், மனைவிக்கு வாலிபர் ஒருவருடன் பழக்கம் ஏற்பட்டு இந்த பழக்கம் நாளடைவில் இருவருக்கும் இடையே கள்ளக்காதலாக மாறியுள்ளது.
இவர்கள் அடிக்கடி தனிமையில் உல்லாசமாக இருந்து வந்தமை கணவருக்கு தெரியவந்ததை அடுத்து மனைவியை கண்டித்துள்ளார். ஆனால், இதனை பெரிதாக எடுத்துக்கொள்ளாமல் கள்ளக்காதலை தொடர்ந்து வந்ததால் இருவருக்கு இடையிலும் தகராறு ஏற்பட்டு வந்துள்ளது.
இந்நிலையில், வேலைக்கு சென்று விட்டு வீட்டுக்கு வந்து பார்த்த போது மனைவி கள்ளக்காதலனுடன் ஓடி சென்றது தெரியவந்தது. இதனால் மன உளைச்சலில் இருந்து வந்தார்.
இதிலிருந்து விடுபட தனது நண்பர்களுடன் கொண்டாட முடிவு செய்து, வீட்டில் சுமார் 250 ஆண்களுக்கு பிரியாணி, மதுபானத்துடன் விருந்து கொடுத்து நடனமாடி கொண்டாடி மகிழ்ந்தார்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
